نشرت النجمة أسما شريف منير صورا لها عبر صفحتها الشخصية بموقع إنستجرام لتبادل الصور.
وعلقت أسما: "عشت لفترة طويلة في علاقات مش مرتاحة فيها. العلاقات كانت مرهقه ومليانة أذى نفسي، دايمًا حاسة إن في حاجة ناقصة في حاجة غلط. العلاقات كان فيها تضحيات كبيرة من طرف واحد، الحب والشغف اللي كانت بحلم بيهم مش موجودين".
وأردفت: "كنت دايمًا بقول لنفسي: “مش لازم كل حاجة تكون مثالية، المهم إني مرتاحة حتى لو موجوعة، ما هو ده الحب اللي أعرفه، مش الحب عذاب برضه؟.” بس في نفس الوقت، كل مرة بشوف علاقة مليانة حب وتفاهم حقيقي، كنت بحس إني بتنازل عن حاجات مهمة في حياتي لحد ما في يوم، قررت اقعد مع نفسي واسأل: “هل الراحة كفاية؟ هل المفروض أقبل بعلاقة مفيهاش توازن والإحساس اللي أنا أستحقه بس عشان ده اللي اعرفه؟”
وأردفت: "بعد التفكير، قررت إني مش هستمر في علاقة مش مريحة لمجرد إني خايفة أبقى لوحدي. قررت إني أستحق علاقة فيها حب حقيقي، دعم، وتفاهم".
وأكدت "الدرس اللي اتعلمته كان واضح: “متقبلش علاقة متوسطة بس عشان الخوف، احنا نستحق إننا نعيش علاقة مليانة حب وتقدير بجد.”
وكانت أسما شريف منير قد قامت برحلة مؤخرا للبحر الأحمر في رحلة لم تخطط لها.
_1_2_3.jpeg)
