عبد الله رشدي يرد على عمر كمال: الصدقة من المال الحرام غير مقبولة

رد الداعية عبد الله رشدي، على المطرب عمر كمال، الذي طالب مؤخرا بفتوى من الأزهر الشريف لتوضيح حقيقة حرمانية الصدقة من الأموال التي يحصل عليها من الغناء.

وكتبت عبد الله رشدى عبر حسابه الرسمي بموقع التواصل الاجتماعي فيسبوك:

١- الغناء بهذه الصورة التي نراها حيث العري والاختلاط والمعازف والكلمات السوقية فلا شك أنه حرام.

٢- أما الصدقة من المال الحرام فغيرُ مقبولةٍ وغيرُ جائزة أصلًا.

٣- إذن ماذا يصنعُ من عنده مالٌ حرامٌ؟

يجب عليه التخلص منه.

٤- كيف يتخلص منه؟

يخرجُه في أبواب الخير.

٥- لكننا قلنا الصدقة من المال الحرام باطلة؟

نعم؛ هي باطلة.

٦- ولذلك فالذي عنده مال حرامٌ؛ ننتبه جيدًا: عليه إخراج المال بقصد أنه يريد التخلص من مال حرام، لا بقصد أنه يريد الصدقةَ عن نفسه، لأنه لو قصد بإنفاقِ هذا المال الصدقةَ عن نفسه فإنه يصير آثمًا.

٧- إذن في واقعة السؤال، فإن الذي عنده مال حرام يجب عليه أن يُخرجه في أبواب الخير، لكن ينوي عند إنفاقه "نية التخلص" من مال حرام وليس نية "التصدق" المعروفة.

٨- لأنه لو ترك هذا المال في حوزته فهو أصلًا آثم ببقائه عنده، فيجب عليه التخلص من كل هذا المال بالنية التي وضحنها.

عمر كمال يرد على منتقديه: تعبت نفسيًا بسبب انهم ببقولولي فلوسك حرام.. وشايل مسؤولية 60 فردا

الجدير بالذكر أن المطرب الشعبي عمر كمال أعرب عن استيائه الشديد من الانتقادات التي يتعرض لها بسبب مصدر دخله من الغناء، مطالبًا بفتوى من الأزهر الشريف لتوضيح حقيقة الأمر، مؤكدًا أنه مستعد للتوقف عن فعل الخير إذا كان ما يقوم به خاطئًا.

وقال "كمال" من خلال مقطع فيديو نشره عبر حسابه بموقع "فيسبوك": "السلام عليكم، أنا مش بعمل فيديوهات خالص، بعمل فيديوهات في الغناء والكلام ده، عمري ما عملت فيديو في الخير علشان أطلع عليه تريند، مبحبش كده خالص، ومقتنع أن الخير اللي في السر ربنا بيكرم أضعاف عن اللي في العلن"

وتابع: "أنا ربنا كرمني أخر كرم علشان أنا علاقتي بربنا كويسة أظن ذلك، بس أنا بجد تعبت من الناس، تعبت نفسيًا أوي، عايز حد من الأزهر يطلع يرد عليا، بيقولولي معنى الكلام ربنا طيب لا يقبل إلا طيب، أنا بعمل إيه غلط، أنا بروح أغني في فرح بفرح الناس، بروح أغني في عيد ميلاد، أو في حفلة تخرج، أنا كـ عمر كمال عمري ما طلعت في حياتي في لايف ولا فيديو قولت أنا بعمل خير، اللي عايز يعمل عملية بعمله، واللي عايزني أساعده في إيجار بعمله، واللي بيته محتاج سقف بعمله، أنا بعمل اللي أقدر عليه".

وأضاف "شايل مسؤولية 50 أو 60 فرد، فرقتي واللي شغالين معايا وأهلي، أنت بقى عملت إيه، ويقولولي أصل أنت فلوسك حرام، أنا فلوسي حرام بساعد بيها غيري، يعني اللي عايز يغسل كلى مرتين تلاتة في الشهر أنت عملتله إيه، أنا عملتله، واللي سقف بيته واقع والشتا داخل علينا أنت عملتله إيه قولي، أنا عملتله".

وتابع: "أنا عايز أعرف من أي شيخ في الأزهر، أنا بعمل خير، بجيب من هنا وأحط هنا، ده غلط ولا صح حد يقولي، مين فينا اللي صح هما ولا إحنا، لو أنا غلط هبطل أعمل خير خالص مش عايز أعمل خير تاني، علشان أنا تعبت نفسيًا، كل شوية حد يقولي الله طيب لا يقبل إلا طيب، أصل أنت مش هيتقبل منك، أصل أنت فلوسك مش عارف إيه، طيب أنت عملت إيه، أنا شايل فرقتي وأسرتي والسواق بتاعي وأخواتي وعائلتي، يارب كل واحد في المجتمع يبقى زي عمر كمال يشيل شوية من اللي عليه مكانش حد هيبقى فقير".

واستكمل: "كل ما أتكلم في حتة يقولولي أنت نجحت في إيه، أنا نجحت في المجال اللي أنا عايز أنجح فيه، أنا نجحت في إني أجيب عربية اللي بحبها، أنا نجحت في إني أعيش أهلي عيشة كويسة، أنا نجحت إن فرقتي 25 فردا، منهم ناس محتاجين علاج وطرف صناعي، وغسيل كلى، وناس محتاجين إيجار، أنا نجحت في كده، أنت مش عايزني أنا ابعت، أوكيه أنا مش هبعت أي حاجة، أنا فلوسي حرام، أنت هتبعت، أنا مش فاهم".