عارفة عبدالرسول: عندى 70 سنة وخايفه أموت قبل ماحقق أحلامي

أعربت الفنانة عارفة عبد الرسول عن مخاوفها الحقيقية من المستقبل، وشعورها بالقلق من عدم تحقيق جميع أحلامها الفنية قبل أن يحين الأجل.

وكتبت عارفة في منشور مؤثر لها عبر صفحتها على فيسبوك: "عرفنى الجهور من أول عمل ليا.. أبواب الخوف إخراج أحمد خالد، بدأ الناس يقابلونى فى المترو عايزين يتصوروا معايا".

وتابعت:"قولت بس البليه لعبت، قامت ثوره يناير اتعطلت كتير ورجعت من الأول الف على مكاتب الكاستينج، مشهد هنا ومشهد هناك وجمهورى بيكبر".

وأضافت: "عندى سبعين سنة وناقص على تحقيق أحلامي سنتين وخايفه أموت قبل ماحققه، لو موت عادى قدر الله وماشاء فعل، خوفى الأكبر أن يحصل حرب توقف الدنيا ولذلك عمرى ما أعلق على بوست سياسى عند أصدقائي اللى بيصرخوا ويحللوا، يلاقونى مشيره فيديو لطيف أو بوست ساخر يفتكروا انى مش متعاطفه وناسيهة الحقيقه أنا باتناسى، اللهم احفظ مصر عشان خاطر بنتك الغلبانه".