عبر الفنان هشام ماجد عن سبب حبه الشديد لنادي الزمالك، كما كشف تفاصيل لأول مرة عن طفولته وعن رأيه في علاقة الصداقة بين الرجل والمرأة والسن المناسب للزواج للطرفين.
وقال هشام ماجد خلال لقاءه في البرنامج الإذاعي"أسرار النجوم" مع الإعلامية إنجي علي: "كان نفسي أكون لاعب كورة، وأنا زملكاوي، وإحنا بنفرح أكتر من جمهور الأهلي، أنتم بتفرحوا لما تاخدوا بطولة، إحنا بنفرح لما نجيب جول، ودي جملة قالها لي المنتج كريم أبو ذكري، قال لي جمهور الأهلي غلبانين بيفرحوا بكل بطولة وإحنا بنفرح بكل جول، وجول شيكابالا بالنسبة لي بطولة إفريقيا".
وتابع ماجد: "مفيش جمهور بيحب فرقته زي الزمالك وعندنا ولاء رهيب، والزمالك بياخد بطولات كتير ونادي كبير بس الأهلي بياخد بطولات كتير أوي".
وكشف هشام ماجد عن مرحلة الطفولة وأكد أنه لم ير قسوة من والديه قائلًا: "مكنش فيها شيء من القسوة، كانت طفولة لطيفة، ووالدي اتوفى وأنا صغير فكانت قسوة من الحياة مش من الأهل وكان عندي 13 سنة".
كما وجه هشام ماجد نصيحة لجمهوره مشيرًا إلى السن المناسب للزواج من وجهة نظره، قائلًا: "أنصح بالزواج في سن الثلاثين وأنت طالع مش قبل، لأن الشخص يكون نضج ويعرف يعني إيه يشيل بيت ويتحمل مسؤولية بني أدمين".
وعن رأيه في علاقة الصداقة بين الرجل والمرأة التي تستمر بعد انفصال الطرفين وحدوث الطلاق، قال: "شفت حالات نادرة مطلقين وأصدقاء ومنهم صحابي، وبشوفهم صحاب جدا ودي حاجة راقية جدا، وحاجة تفرح ده ويخلي أطفالهم أسوياء لأنهم شايفين علاقة أبوهم وأمهم حلوة حتى لو مش عايشين مع بعض".
.jpeg)
