اشتكي مؤدي المهرجانات، حسن شاكوش ، من عدم دعوة حمو بيكا له في عقيقة ابنته ، وذلك خلال فيديو نشره شاكوش، وكشف فيه أن حمو بيكا لم يدعِهِ لحضور عقيقة ابنته، قائلا : حمو بيكا معزمنيش على عقيقة بنته، وأنا مبتحركش من مكاني غير لما أتعزم، وبيكا معاه تيلفوني، لو عزمني كنت روحت.
وأضاف شاكوش : حب الخير لغيرك عشان ربنا يكرمك، أوعى تكره لحد الخير كلنا لينا أعداء وعدوك ابن كارك، مفيش حد هيكون عايزك أحسن منه، في ناس عندها غيرة شغل، وناس عندها غيرة شخصية، وأنا عمري ما غيرت من حد؛ لأن ثقتي في نفسي أكبر مما تتخيلوها، وفي ناس مجرد ما تديهم ضهرك يشتموك عشان إنت معبرتهمش، وربنا يدي كل واحد على قد نيته.
وتبين أن سبب عدم قيام بيكا بدعوة شاكوش لحضور عقيقة ابنته التي كانت بإحدى قاعات الأفراح الفخمة وبحضور مجموعة من زملائه مطربي المهرجانات، هو أن شمس زوجة حمو بيكا صديقة ريم طارق طليقة شاكوش، وقامت شمس بدعوتها لحضور العقيقة.
وشاركت ريم طارق طليقة حسن شاكوش، عبر حسابها بموقع "انستجرام" صورة لها جمعتها بشمس زوجة حمو بيكا خلال عقيقة ابنتهما أمس، وكتبت:أم تاج.