تجدد الخلاف بين كل من الفنانة أيتن عامر وريهام حجاح بسبب تدوينه نشرتها محامية الأخيرة ايناس البيطار عبر موقع إكس والتي كتب فيها: "أيتن عامر عمرها ما كانت قمر بفلتر أو بدونه"، لترد عليها أيتن عامر قائلة: "استاذة ايناس عيب، ركزى فى القضية أحسن من تويتر والكلام الفاضى دة، ومعادنا فى المحكمة وأنا واثقة فى القضاء المصرى اللى هيرجعلى حقى و يعوضنى الظلم اللى اتظلمته فى المسلسل دة، محامية مسلسل و "كل ما نفترق" داخلة تهزر معايا، ركزى فى القضية يا استاذة".
ونشرت الفنانة أيتن عامر صورة عبر حسابها الرسمي بموقع التواصل الاجتماعي "فيسبوك" لتدوينة المحامية إيناس البيطار وعلقت آيتن قائلة: "لا تعليق والله لما محامية الخصم تكتب كلام زى ده، القضية شغالة لحد دلوقتى و أنا ملتزمة الصمت ومتكلمتش فى تفاصيل الناس كلها عارفاها بس إن نصر الله لقريب، ربنا عمره ما يرضى بالظلم".
القصة بدأت قبل ثلاثة أعوام عندما نشب خلاف بين آيتن عامر وريهام حجاج، أثناء كواليس مسلسل "وكل ما نفترق" واتهمت الأخيرة أيتن بافتعالها الأزمات قائلة: "عشنا وشوفنا إن أخت البطل اللي أدام البطلة طمعانة يبقى دورها أكبر من البطل"، ولم تكشف عن اسم الممثلة التي تقصدها
وردت أيتن على هذه الإتهامات عبر حسابها بموقع "فيسبوك" قائلة: "بقى أنا بروح الأوردر متأخر؟! بقى أنا طلبت زيادة في مساحة دوري؟! بقى أنا بفتعل المشاكل في الأوردرات؟".
وأضافت: "أنا عندي إثباتات على كل اللي حصل بس احتراما للناس اللي اتكلمت معاهم أنا مش هتكلم غير لما بموافقتهم الأول.. أنا ممضتش الورقة".
وتابعت: "الفشل حتى في تسريب الأخبار الغلط يا ربي إيه ده؟ الخبر اتشال بس أنا عندي اسكرين شوت، قالك تدخلت لإعادة حق أحمد فهمي".
يذكر أن مسلسل "وكل ما نفترق" من بطولة ريهام حجاج، أحمد فهمي، رانيا يوسف، عمرو عبد الجليل، سيد رجب، آيتن عامر، محمد الشرنوبي، سلوى خطاب، رحاب الجمل، أحمد صيام، طارق عبد العزيز، هند عبد الحليم، قصة محمد أمين راضي، تأليف أحمد وائل وياسر عبد المجيد، إنتاج طارق الجنايني وإخراج كريم العدل.
.jpg)
_1_2_3_4.jpg)
_1_2_3_4_5_6_7_8.jpg)