"التريند خلاكم ما تشوفوش الحقيقة"... زوجة عصام صاصا تنفي شائعة القبض عليه

نفت جهاد أحمد زوجة مطرب المهرجانات عصام صاصا، شائعة القبض عليه التي انتشرت خلال الساعات القليلة الماضية، مؤكدة أنه قرر العودة إلى مصر بسبب جلسة قضية دهسه لشاب على الطريق الدائري، معلنة دعمها له وأنها تثق تمامًا بأنه مظلوم.

حيث كتبت زوجة عصام صاصا، منشورًا عبر حسابها الرسمي على موقع تبادل الصور والفيديوهات انستجرام، خلال خاصية استوري، وقالت: "اكتر حاجه تعباني اني حاولت في الأول أدافع عن عصام، أنه مظلوم بس التريند خلاكم ما تشوفوش الحقيقة".

وتابعت: "ودلوقتي بتقولوا حرام ده مظلوم، ليه بيحصل فيا كده، مش طالبة حاجه غير ربنا يرجعوا ل ابنه وبيته".

وأكدت زوجة صاصا أنه لم يتم القبض على عصام، ولكنه أخذ قرار العودة لمتابعة القضية، وقالت: "بس على فكرة، محدش قبض على عصام هو اللي نزل، عشان القضية بكرة وكان عامل الفيديو قبل ما ينزل، عشان مش عارف هو هيحصل معاه ايه في الجلسة".

وفي السياق ذاته، في أول ظهور له قبل القبض عليه... روى مطرب المهرجانات عصام صاصا، تفاصيل واقعة دهسه لشاب على الطريق الدائري، والتي حدثت خلال الشهور الماضية، مما أدى إلى وفاته على الفور.

نشر عصام صاصا مقطع فيديو، عبر حسابه الرسمي على موقع تبادل الصور والفيديوهات انستجرام، أعلن فيه عن موعد عودته إلى مصر، وقال: "أنا دلوقتي نازل بلدي وممكن يكون هذا الفيديو أخر فيديو ليه، وعاوز أتكلم معاكم في حاجات مهمة، ممكن تجرى لي حاجة، وممكن أتاخد في المطار، أنا عاوز أفهم الناس ايه اللي حصل معي بالظبط علشان الناس مش فاهمة حاجة". 

وتابع صاصا: "أنا كنت راجع من شغلي رايح أجيب ابني أعمله عقيقة أفرح بيه، وأنا راجع في نص الدائري بالظبط ماسك نص الطريق، هو الله يرحمه ويحسن إليه أنا مخبطتوش من على الرصيف زي ما الناس بتقول والخبطة كانت على الشمال مش من اليمين". 

وأضاف عصام صاصا مؤكدًا أنه لاقى معاناة في حياته، وأن ما حدث خطأ غير مقصود، مشيرًا إلى أن القضاء المصري عادل، قائلًا: "أنا لبست قواضي وحوارات وأنا أغلب من أني أعمل أي حاجة في الدنيا، أنا محتاج دعمكم جدا وتدعو لي وتقفوا معي ولو كنت سبب في يوم من الأيام أني أفرح أي حد أنه يدعيلي، وأنا راضي بقضاء ربنا وواثق في القضاء المصري وأنه مش هيظلم حد ولا هيجي على حد، وأنا أقل خلق الله وعمري ماهدوس على الناس بفلوسي ولا حيلتي الفلوس اللي تخليني أعمل كده".