"ماكنتش أتوقع ده"... أول تعليق من بوسي تصدر أغنيتها "دنيا جديدة" التريند

علقت المطربة يوسي عن تصدرها التريند على مواقع التواصل الاجتماعي، خلال الفترة الماضية وخاصة على موقع الفيديوهات تيك توك، بأغنيتها في مسلسل "أعلى نسبة مشاهدة"،  مؤكدة أنها فوجئت بنجاح المسلسل والأغنية، كما أعربت عن استيائها مما يتعرض له الفتيات مع أزواجهن.

وقالت بوسي خلال لقائها مع برنامج عرب وود: "مكنتش متوقعة أن الأغنية هتطلع ترند لأنها أغنية دراما وكئيبة بس احنا شعب بيموت في الدراما أساسا، الأغنية اتعملت على قصة المسلسل لأنه كان بيحكي عن البنت اللي الظروف خدتها في سكة السوشيال ميديا وبعدين اترمت على جوازة غصب عنها فهي كان ليها سيناريو خاص بيها".

ووجهت بوسي رسالة للبنات، وقالت: "البنات خدتها على تجاربها في الحياة والجواز بس في حاجات كتير في الحياة أسوأ بكتير  من الجواز، يعني أحيانا في حاجات ممكن تتعرضي ليها أسوا من الجواز وتاخديها على الأغنية دي".

وكانت قد عبرت الفنانة بوسي عن رأيها في إثارة رواد مواقع التواصل الاجتماعي، للجدل حول لقب "صوت مصر"، والذي يفتعل الخلافات بين معجبين الفنانة شيرين عبد الوهاب وأنغام، مشيرة إلى أنها ترفض تصنيفها أو اطلاق لقب عليها.

وصرحت بوسي خلال لقائها في برنامج عرب وود، مؤكدة أن كل فنانة تمتلك موهبتها الخاصة التي لا تشبه أحد، وقالت: "أنا مبحبش موضوع الألقاب ده أوي، كل واحدة ليها ستايلها وليها شغلها وليها صوتها اللي اتميزت بيه، كل واحد بيحب مطربة شايف أنها صوت مصر علشان كده حاصل خناقات دلوقتي،  لكن السوق هو اللي يحكم مين رقم  واحد أو اتنين أو تلاته مينفعش اقول ع نفسي صوت مصر، مينفعش أقول عليكي صوت مصر".