رضوى الشربيني تنتقد حسام حبيب بشدة وتدافع عن شيرين عبد الوهاب: عندي أدلة وإثباتات في القصة

وقالت الشربيني في فيديو لايف عبر صفحتها على فيسبوك: "ابعد عن شيرين طالما شيرين بهذا الجنون، انت قبل ما تتجوز شيرين كانت نجمة النجوم في الغناء وكانت عاملة برنامج مكسر الدنيا ومسلسل مكسر الوطن العربي."

وأضافت: "أنا عندي أدلة وإثباتات في القصة دي ومكنتش حابة اتكلم بس طالما أنت طلعت وقلت كده يبقى لازم اتكلم، ولو بنحب شيرين أوي كدا معالجتهاش ليه؟ كانت بتسمع كلامك وبتقول إنها زي بنتي وأنا زي بابها كنت مستني إيه؟ وقفشت ليه على أخوها لما فكر يعالجها، شيرين خسرت كل الناس ومامتها وأهلها والشركة اللي كانت بتشتغل معاها ونفسها وبناتها مستني تخسر إيه تاني."

وتابعت: "كل الناس بتشيد بتمثيلها وشيك في لبسها وشكلها منمق وواخدة بالها من أكلها وجسمها ومحدش عمره سمع عنها فضايح، وعمرنا ما شفنا راجل فضحها بالطريقة دي، إنت شايف نفسيتها عاملة إزاي؟ مش قادرة تمشي ولا تلبس بعد 5 سنين بقيت فوق الـ100 كيلو، وحلقت شعرها ومرة قصت شعرها والست تعبت وما بتشتغلش والفيديو يقطع القلب ومنهارة، والجمهور يتكلم وقصة شيرين وحسام ما بتخلصش وأصبح مسلسل أجزائه مملة وسخفية وناوي على إيه أكتر من كده؟ الست خلصت."

واختتمت الشربيني: "بنقولك جود لاك في حياتك وكفاية بقى وسيبها لأهلها وترجع تقف على رجليها وترجع لجمهورها."

يذكر أن هذه ليست المرة الأولى التي تهاجم فيها رضوي الشربيني حسام حبيب، حيث سبق وعلّقت على الأزمة الأخيرة بين شيرين وحسام، بعد تحريرها محضر ضده بتهمة التعدي عليها، وذلك عبر صفحتها الرسمية على فيسبوك.

ونشرت الشربيني صورة لعبد الوهاب وكتبت: "إلى شيرين عبد الوهاب.. ‏إنتي أكبر من إنك تخلى دلوعة ماما يعمل فيكى كل كده و يخلي سيرتك لبانه مُره فى بوق الناس."

وتابعت: "إنتي أذكى من إنك تُدخلى عدوات مع أقرب الناس ليكى علشان كل ذنبها إنها حبيتك وكانت عايزه تمنعك منه و من شره، ‏إنتى نجمة أكبر من فكرة إن كومبارس ممكن يهدها… ‏يولع الحب اللى يعمل فى صحبه كده يا شيرين".