كتبت - رحاب عنتر
أعلنت أسما شريف منير دعمها، للفنانة شيرين عبد الوهاب بعد أزمتها الأخيرة مع طليقها الفنان حسام حبيب، مشيرة إلى أن ما يتم تداوله من أخبار عن شيرين عبد الوهاب، أمر مفروغ منه وليس اختيارها، لأنها شخصية عامة وطالبت جمهورها بأن يمتنع عن الحديث عنها، بما يؤثر على حالتها النفسية.
حيث نشرت أسما شريف منير فيديو لها، أثناء استماعها لأحدث أغاني شيرين عبد الوهاب، عبر حسابها الرسمي على موقع تبادل الصور والفيديوهات انستجرام، وعلقت عليه قائلة: "شيرين عبد الوهاب موهوبة بشكل فريد جداً، نفسي الناس تبطل تحكم على البشر اللي زيهم".
وتابعت: "الأخبار اللي بتنزل و الناس تقعد تقول ما كفاية قرفتونا والحاجات دي مش بمزاجها على فكرة، الأخبار دي بتنزل من غير حتى استأذن، أنا بقول كده لأني اكتر واحده حاسه باحساس اني عشان قبلت أكون شخصية عامة، فالكلام عني بقي مباح و الناس بتقول رأيها من غير اي مراعاة لمشاعر اي حد".
وأردفت أسما: "لو افترضنا إن الشخص ده تعبان نفسيًا نروح مكملين عليه بكلام جارح وفضايح و استنتاجات محدش يعلم بيها غير ربنا، لو بس بطلتوا تسمعوا عنها وعن اخبارها وتسمعوها هي، الأغاني باين فيها جداً حزنها و ووجعها، ربنا يعافيها ويعفو عنها وترجع تقف على رجليها أقوى من الأول، وتتعافي وترجع بطاقة أجمد وأحسن من الأول".
واختتمت أسما منير حديثها، معبرة عن مدى حبها احترامها لـ شيرين عبد الوهاب، وقالت: "أنا حقيقي بحبها وبحترمها وبحترم مشوارها اللي مش سهل خالص، اللي عملته من بدايتها كان في منتهى الصعوبة، وعشان هي شخص قوي ان شاء الله هترجع اقوى".
_1_2_3_4.jpg)
_1_2_3_4_5_6_7_8.jpg)