أعرب الفنان محمد رمضان عن استيائه من تحامل بعض القنوات العربية والمواقع السعودية عليه، بعد صفعه لشاب في مراسي عقب تطاول الأخير عليه ونداءه له بإسم محمد حمضان، حيث أنهى نمبر وان هذا الخلاف ووجهه رسالة اعتذار لأهل الشاب مؤكدًا أنه تعامل مع الموقف بطريقة خاطئة، وخاصة أن الشاب صغير السن.
ورد محمد رمضان على تحامل القنوات العربية والمواقع السعودية رغم اعتذاره للشاب وأهله، وظهر في فيديو عبر حسابه الرسمي على موقع تبادل الصور والفيديوهات انستجرام، قال فيه: "حق الرد على القنوات العربية وبعض المواقع السعودية.. الجمهور لفت انتباهي أنهم متحاملين عليا بعد فيديو اعتذاري للشاب الصغيرة وعائلته، سابوا الفيديو كله وبيلمحوا إني بكدب وكل الفيديوهات مبتقولش كده".
وتابع رمضان: "الجمهور لقى الفيديو اللي بيثبت ده.. وتداولوه الفترة اللي فاتت علشان يثبت لقناة العربية أني مش كداب وأني صادق وشجاع.. أنا طلعت اعتذرت لأن الاعتراف بالخطأ شجاعة، وإني قوي وتمالكت نفسي وكظمت غيظي واكتفيت إني مسحت الفيديو من التليفون حتى من غير ما أكسره اللي عليه إساءة لاسم والدي واسم الشهر الفضيل، مطلعين الشاب الصغير يلمح إني كداب ويقول تقل إيدك شوية".
وفي السياق ذاته، كان قد وجه محمد رمضان رسالة لأهل الشاب خلال فيديو قال فيه: "الجمهور العدل الأصيل الغالي ألف شكر وربنا ما يحرمنيش منكم على وقفتكم معايا ومساندكم، وقرأت وسمعت قد إيه دافعتم عني وغلطتم الولد الصغير، ولكن أنا عملت الفيديو ده علشان أعترف بخطأي وأعتذر لأهل الولد الصغير، إني إيدي اتمديت عليه وأنا عارف إنه عيل صغير".
وتابع: "لما غلط في الأول قلعته الكاب وبصيت في وشه لقيت إنه صغير، وقلت له اسمك إيه ولما رجع غلط تاني لفيت وقلت له هات التليفون خباه، وما تمالكتش نفسي وضربته قلم بسيط والقلم البسيط ده طير له الكاب والنضارة، ولو نعتبر إن الناموسة اللي وقفت على خدي قلم فأنا أستاهل خمسة لأني مديت إيدي على عيل صغير ودي لا رجولة ولا بطولة".
وأختتم رمضان حديثه، قائلًا: "وأنا ما تمالكتش نفسي لما خدت تليفونه ومسحت الفيديو، وحد قال لي اكسر له تليفونه علشان ما يعملش كده تاني، قلت له لو هو غلط أبوه وأمه ذنبهم إيه يجيبه له تليفون تاني؟ خاصة لما عرفت إنه من قرية تانية، وقلت لهم روّحوه، والأمن قال اعمل له محضر قلت لهم لا يروح بعد إذنكم".