أجاب الدكتور عمرو الورداني، أمين الفتوى بدار الإفتاء المصرية، على سؤال هل ينتهى الحب بعد الزواج، وهل هناك أخطاء تقتل الزواج؟.
وقال الورداني، "أول حاجة، بس الجواز هو الأساس، وواحد من أهم التربات اللي تخلي الحب يبقى مستمر ومستدام، أما الجواز مش بيموت الحب، لكن الجواز بيجعل الحب ينضج، ده الأساس، كده هو لازم ينضج.. معنى فكرة إن الجواز مقبرة الحب دي خرافة.. أنا بسميها من خرافات الزواج.. إذا كنا بنتكلم عن الحب الرومانسي، فالحب الرومانسي بطبيعته مش مطلوب يستمر".
وأضاف: أمين الفتوى بدار الإفتاء المصرية، "تخيل إن الحب الرومانسي بالضبط كده عامل زي إيه؟ هنضرب أمثلة شوية كده.. خليني أقول آخر استشارة كنت شغال عليها.. اللي حصل هو إنها اضطرت تميل لحد بره إطار الزواج، وهو طبعا عرف لأنها كانت متجوزة عشان تحب وتتحب.. فبعد شوية، الحب هدأ. والحب بدأ يخف. عندنا أنواع كتير من الحب. الحب الرومانسي اللي هو الحب بتاع الدوبامين، ده فنحن لدينا قدرة مهمة، في حاجة اسمها هرمون الحب أبو بيستمر لمدة ثلاث سنين وبعد كده بيخفض ويبتدأ يتغير، فالحب الرومانسي أصلا مش مطلوب يفضل، قاعدين طول الوقت سايبين بقى هو سايب شغله وهي سايبه البيت ف قعدين بيكلموا مع بعض بيحبوا بعض طول الوقت.. اللي هيحصل هيجوا في وقت يحسوا إن الحب خداع.. ففكر إن الحب بيموت بالجواز هذه اكذوبة.. لكن الحب يتغير ويتبدل".
وكانت الشركة المتحدة للخدمات الإعلامية، قد أطلقت قناة الناس في شكلها الجديد، باستعراض مجموعة برامجها وخريطة الجديدة التي تبث على شاشتها خلال 2023.
وتبث قناة الناس عبر تردد 12054 رأسي، عدة برامج للمرأة والطفل وبرامج دينية وشبابية وثقافية وتغطي كل مجالات الحياة.