أكد الفنان خالد الصاوي تفاصيل أن علاقته بالفنان تامر حسني، أصبحت محدودة لأن العشم بيؤدي للزعل، وخاصة بعد عتابه ل تامر حسني بتقصيره معه وعدم السؤال عنه خلال الفترة الأخيرة، مشيرًا إلى أنه قرر التعامل بطريقة مختلفة مع أصدقائه.
وأشار خالد الصاوي في تصريحات تليفزيونية عن تامر حسني، أن عتابه له كان مجرد عشم، قائلًا: "علاقتنا بقت محددة، أنا مشوفتش لسه الرد بتاعه، واتكلمت عنه من العشم، ولما بسأل عليهم بيسألوا عليا، تامر حسني وكريم عبد العزيز وأحمد السقا كلهم حبايبي".
ووجه خالد الصاوي نصيحة لجمهوره، قائلًا: "متتعشمش في حد في الزمن دا علشان متزعلش، أنا علاقتي بيهم بقت عبارة عن أفعال قصاد أفعال وخلاص، لكن دائما بقول العشم يؤدي للزعل".
"هاجي لك لغاية عندك وأصالحك ونتصور"... لم يتوانى الفنان تامر حسني على الاعتذار للفنان خالد الصاوي، حيث نشر منشورًا عبر حسابه الرسمي على موقع تبادل الصور والفيديوهات انستجرام، من خلال خاصية استوري، قال فيه: "يا عم خالد أنت صاحبي وحبيبي وتأخيرك عني مکانش شخصي، لو شخصي مكنتش هزعل واستناك سنه مش أسبوع، بس ده كان تأخير على كل الممثلين والمنتج والمخرج، وياريتك قولتلي إنك زعلان على تليفوني من سنتين كنت جيت لحد عندك صالحتك والله".
وتابع تامر حسني مؤكدًا جهله بزعل خالد الصاوي منه، قائلًا: "معرفش أنك زعلان وبالمناسبه أنا اللي زعلان عشان كان نفسي تبقى معايا وأنت اللي اختفيت وعلى أي حال زعلك عندي بالدنيا وأول ما أرجع من السفر إن شاء الله هجيلك لحد عندك أصالحك وناخد صورة حلوة".
.jpg)
