![](/images/uploads/1736123079193202405300639543954_1_2.jpg)
كشفت البلوجر هدير عبد الرازق عن نصيحة أهلها لها بالابتعاد عن السوشيال ميديا، مؤكدة أنهم عرضوا عليها أن ينشأوا لها مشروعًا خاص بها، مقابل أن تبتعد عن مواقع التواصل الاجتماعي، مشيرة إلى تأثر والدها ووالدتها بسبب أزمتها الأخيرة وانتشار فيديوهات مخلة لها.
وقالت هدير عبد الرازق في بث مباشر عبر حسابها الرسمي على موقع التواصل الاجتماعي فيسبوك: "أهلي قالوا لي نعملك مشروع وابعدي عن السوشيال ميديا قلت لهم مقدرش أموت لو بعدت عن الفانز بتوعي لأني بحبكم بجد وعشان معنديش أصحاب".
وتابعت هدير مؤكدة تعرض والدها ووالدتها لوعكة صحية، بسبب الفضيحة التي تعرضت لها، وقالت: "أمي مريضة قلب وعاملة عملية قلب مفتوح اقسم بالله أبويا تعبان وجات له جلطة ولو حد فيهم راح مني خلاص مش هعرف اعيش، راعوا ربنا في دينكم كفاية تشهير بيا وكلام على لساني الجنية اللي هيدخلك ده مال حرام عشان بتتربح من سمعة وليه شوفوا أي وسيلة تانية تكسبوا منعا فلوس غيري".
وأضافت: "أنا تريند بقالي 3 سنين لو جورجينا مش هتعملوا معايا كده هو أنا مزعلة حد فيكم،
دماغي بدأت تروح لحاجات غريبة هو أنا بيحصل معايا كده ليه ده مش طبيعي انا مش محور الكون انا مش الدنيا شوفوا حاجة غيري، ليه بتعملوا معايا كده".
وأردفت: "عمري ما خدت جنية من السوشيال ميديا خدت من التيك توك بس وربنا مراضيني ومديني أكتر من ما أنا استاهل وعندي اللي مش عند حد ومش باخد من أهلي جنية، اتنصب عليا وخدوا صفحتي على تيك توك بأرباحها".
كما أوضحت هدير عبد الرازق نصيحة أهلها لها قائلة: "أبويا وأمي قالوا لي أطلعي وغيري محتواكي ويليق بينا ويرضي ربنا من غير ما تغضبيه وما تموتيش نفسك، ومش هينفع اسيب السوشيال ميديا عشان أنا خريجة إعلام وبحب التمثيل ونفسي أبقى فنانة، كن بتكسف أعمل كاستينج بحس انها تقيلة عليا اني اروح اعمل كده، ان شاء الله اقف على رجلي و ارجع هدير بتاعت زمان".