أكدت البلوجر هدير عبد الرازق على نصيحة المقربين لها بالسفر خارج مصر، والاختفاء عن الأنظار واعتزال مواقع التواصل الاجتماعي، وذلك بعد أزمتها وانتشار فيديوهات مخلة لها مع زوجها الأول.
وقالت هدير عبد الرازق خلال بث مباشر عبر حسابها الرسمي على موقع التواصل الاجتماعي فيسبوك: "ناس كتير طلبت مني اسافر بره مصر وأهرب واختفي وامسح صوري، وفعلاً بدأت امسح فيديوهات وصور كتير اللي فيها تحرر ومش بتتوافق مع قيم مجتمعنا".
وأعربت هدير عبد الرازق عن استيائها من التعليقات السلبية التي ينشرها متابعيها على مواقع التواصل الاجتماعي، قائلة: "الناس اللي بتقول رصيد الستر بتاعها اللي عند ربنا خلص بقولهم ليه بتحكم عليا كده انت تعرف اللي بيني وبين ربنا ايه ليه بتاخدوا بالمظاهر ليه عشان بلبس فاكريني فاجرة ولا عاهرة، ربنا وحده اللي عالم انا بتقيه ازاي ومش باجي على حد ازاي وكل القريبين مني عارفين كده، كلامكم ده بيضايقني وبعدين ربنا إذا احب عبد ابتلاه مش يمكن ربنا ابتلاني عشان يرقيني في الدنيا اللي هي دار فناء وبيطهرني من ذنوبي عشان اخد درس وأبلغ مكانة أعلى عنده".
وتابعت هدير: "أنا مش بسيب فرض في الصلاة لأن عندي اكتئاب ومالقتش علاج ليه غير الصلاة وبقرا قرآن وبطلع صدقة طول الوقت وعمري ما كسفت حد حتى لو على حساب نفسي، ليه رصيد ستري ما خلصش في الوقت اللي كنت بطلع ارقص وأتصور واشتم خلص ليه بعد ما توبت لربنا وكنت بعيط واقوله خد بإيدي".
وأضافت هدير: "لما اتحبست بقيت مصدومة عشان كنت بعمل كل شيء عشان أرضيه أنا توبت عن حاجات كتير أوي وأولها لساني اللي خرب لي حياتي واعترفت قبل كده ما كنتش اعرف أمسك لساني عشان كده توبت عن النميمة والكذب واني ازعق في بابا وماما".