مروة عبد المنعم: «ربنا هيحاسبني على الصلاة مش الحجاب وعندي فوبيا من الموت»

بقلم: رحاب عنتر

أثارت الفنانة مروة عبد المنعم جدلًا واسعًا حول رأيها في ارتداء الحجاب، مؤكدة أنها تؤمن به لكنها ترى أن السؤال في القبر سيكون عن الصلاة وليس الحجاب. وأشارت إلى أن تطبيق "تيك توك" ساعدها كثيرًا في زيادة معرفتها بين الجيل الجديد.

وقالت مروة عبد المنعم في تصريحات تليفزيونية: "التيك توك كان سببًا في أن الجيل الجديد عرفني، وكان لازم أدخل لايفات على التيك توك." وتابعت: "أنا مؤمنة بالحجاب، لكن يوم ما هنزل القبر هتسأل عن الصلاة مش عن الحجاب. مش علشان مش محجبة أبقى كافرة، وده مفهوم غلط منتشر عند البعض."

كما أعربت مروة عن رفضها لفكرة التقدم في السن، قائلة: "رافضة فكرة سني وإني بقيت أم، أنا لسه طفلة من جوايا. دلوقتي ولادي مش عاجبني تصرفاتهم، وبشوف إنهم مش مقدرينني وبحملهم ذنب إني قاعدة لوحدي."

وتحدثت عن صعوبة التكيف مع الحياة بعد وفاة والدها، مشيرة إلى أنها مرت بأزمة نفسية كبيرة بعد وفاته وتخشى الموت، وأضافت: "عندي فوبيا من الموت، وولادي مش هيحبوني زي أمي وأبويا."

أما عن تواجدها على مواقع التواصل الاجتماعي، فقالت: "لازم الفنان يطلع كل يوم عشان الجمهور يفتكره. أنا مبسوطة إني حقيقية وسط عالم مزيف، وإني مغيرتش في شكلي خالص، والناس كلها بقت شبه بعض."

وأكدت مروة حبها للفن، مشيرة إلى أنها لم تسعَ وراء الكاميرا والشهرة من أجل المال: "أنا بحب الفن من أجل الفن، والجمهور فاهم إني عشان طلعت على الكاميرا يبقى معايا فلوس كتير وده مش حقيقي، عندنا أقساط."

واختتمت حديثها قائلة: "بيطلبوني في تكريمات جامعات، ومش بروح عشان بيكون حمل عليا التصوير مع كل الطلاب."