رحاب عنتر
كشف الشاعر أيمن بهجت
قمر، تفاصيل وأسرار عن علاقته بوالده، ومعاناته بعد وفاته مشيرًا إلى أنه تمرد على
والدته، كما روى الصعوبات التي واجهته في الوسط الفني.
وقال أيمن بهجت قمر
خلال تصريحات تليفزيونية: "بعد وفاة أبي تمردت على أمي لأني مكنتش متعود أعيش
معاها، وهي كانت عايزة تربيني تاني وأنا كبير، قلتلها عايز خالي يبقى وصي عليا،
وهعيش لوحدي، كنت 16 سنة، وجيراني دلعوني ومسابونيش".
وأردف أيمن مؤكدًا أن
الاخلاص هو أهم شيء في العمل، وقال: "أصعب حاجه الاستمرار في النجاح ولكن
الإخلاص في العمل مهم، وبتوقف فترات لما بمر بضغط نفسي، وبرجع تاني".
وتابع قمر موضحًا أنه
داوي جرحه من وفاة والده بالشعر، قائلًا: "عمار الشريعي كان بيقولي واد يا
أيمن إنت من عندنا مش من عندكم وكنت مصاحب أبويا ولما طلق أمي كنت عايش معاه، ومات فجأة ولقيت نفسي
بواجه الحياة لوحدي، فابتديت بعدها أعبر عن مشاعري بالشعر".
"سمعت بلاوي الوسط الفني كلها"... روى
أيمن بهجت قمر تفاصيل عن علاقة والده بالفنان حسن مصطفى، مشيرًا إلى خوفه الشديد
منه، وقال: "استخبيت تحت السرير من حسن مصطفى، وكنت طفل، وكان بيتخانق مع أبويا ويزعقلي عشان أنام بدري وأروح المدرسة، وكنت بفضل قاعد لحد الساعة
1، ولقيت أستاذ حسن بيخبط فدخلت استخبيت تحت السرير وسمعت بلاوي الوسط الفني كلها،
وهما فكرين إني نمت وفجأة طلعتلهم قالولي إنت سمعت إيه؟".