أحيت الفنانة رانيا فريد شوقي ذكرى وفاة والدها وحش الشاشة الفنان فريد شوقي ال26، مشيرة إلى أنها تفتقد حنيته عليها، معربة عن حزنها الشديد لرحيلها والدتها وشقيقتها ناهد في نفس العام.
ونشرت رانيا فريد شوقي مقطع فيديو به مجموعة من الصور لوالدها من أعماله الفنية، عبر حسابها الرسمي على موقع تبادل الصور والفيديوهات انستجرام، وعلقت عليه قائلة: "26 عاما على رحيلك اتحرمت منك ومن حنيتك ودلعك وكنت أميرتك وماكنتش بشيل هم حاجة لأنك كنت سندي وضهري وقوتي ومصدر العطاء والسعادة وحصن الأمان، وساعات بسأل نفسي لو كنت لسه عايش يا ترى أنا كنت همر بكل اللي حصل لي في حياتي الإجابة أكيد لأ".
وتابعت رانيا: "كنت دايما بتتكلم معايا وتقنعني وتنصحني وتحميني حتي من نفسي وأموت ولا تزعل مني أنت وحشتني أوي وأنا دايما بتكلم معاك حتى لو مش سامعني بس برتاح لما أفضفضلك طب عارف إيه اللي بيهون عليا فراقك حب جماهيرك وكلامهم عنك بكل حب وأصحابك والعائلة وأمي الله يرحمها حتى هي سبتني وراحتلك وناهد أختي راحتلك قبلها سنة قاسية أوي عليا يا بابا بحاول اتعايش وأهرب للشغل، وأنا حقيقي وحيدة من غيركم مفيش حاجة تعوض الأب والأم يا رب قويني وصبرني".
 (29).jpeg)
 (28).jpeg)
 (27).jpeg)