أمينة خليل: "أهم حاجة في شريك حياتي يكون طموح ومش هسيب الفن عشانه"

بقلم: رحاب عنتر

كشفت الفنانة أمينة خليل عن المواصفات التي تتمنى توافرها في شريك حياتها، مشيرة إلى مدى تأثير عملها على حياتها الشخصية والعاطفية، وعن إحساسها بالذنب تجاهه بسبب نجاحها وتفوقها عليه.

وأشارت أمينة خليل، خلال لقائها مع الإعلامية إنجي علي، في برنامج "أسرار النجوم" المذاع عبر محطة نجوم FM، إلى أنه لا يوجد رجل يستحق أن تضحي بنجاحها من أجله، قائلة: "ساعات كنت بتكسف زمان من شغلي وبحس أن لأ متنجحيش أوي كده علشان شريك الحياة ميتكسفش وميحسش أني ناجحة عنه، وبالتالي بدأت تبقى مشكلة عندي وأنا السبب فيها. مفيش حد يستاهل إني أهدم نجاحي علشانه، أنا لازم أكون واثقة في نفسي وإن الشخص اللي هحبه يحبني بكل ما فيا وبنجاحي، وهيبقى واثق من نفسه إن نجاحي مش هيهزه ويبقى فخور بيا".

وأضافت خليل مؤكدة أن من أهم مواصفات شريك حياتها المستقبلي أن يكون طموحًا مثلها، حتى لا يرى نفسه أقل منها ويفقد ثقته في نفسه بسبب ذلك، وقالت: "طبيعي أقول حاجات كلاسيك زي أنه ميكونش بيكدب ولا يخون، ولكن مبحبش الراجل اللي مش طموح. تخيلي إني طول النهار بطلع بحاجات نفسي أعملها وبجري على أحلامي وبحاول أحققها، وبتكلم مع راجل بلا طموح هحس إننا مختلفين، ولو الشخص طموح وبيجري ورا أحلامه بيحببني فيه".

واختتمت أمينة خليل حديثها مؤكدة أن الفن أهم شيء لديها ولم تتركه بسبب شريك الحياة، وقالت: "لو خيرني شريك حياتي بينه وبين الفن، طبعًا هختار الفن، والحالة الوحيدة اللي ممكن أتخلى عن الفن فيها إذا كان عشان ابني أو بنتي في المستقبل".