أعربت الفنانة أسماء جلال عن سعادتها بالتعاون مع المخرج شريف عرفة، في فيلم "اللعب مع العيال" مشيرة إلى أنه أكتر مخرجين مصر ذكاءًا، وخاصة في توجيه الممثلين والسيطرة على اللوكيشن بكل هدوء وكل ذكاء.
وجاء ذلك، خلال استضافة الإعلامية منى الشاذلي للفنانة أسماء جلال، في برنامجها "معكم" والذي يُذاع عبر قناة أون.
وقالت منى الشاذلي خلال تقديم أسماء جلال: "أسماء جلال بابتسامة جذابة وبوجه يحوذ القبول لا إراديا بطلة محببة لكل الناس بتقوم ببطولة فيلمين من اللي بيتعرضوا في الموسم ده وأكبر فيليمين وبقيت اسم مش بس مطلوب إنتاجيا، ولكن كمان أي مكان بتتواجد فيه سواء بشكل فني أو شخصي فيديوهاتهم بتتشاف كتير وتحليلات من الجمهور".
كما روت جلال كواليس مشاركتها في فيلم "اللعب مع العيال وولاد رزق"، قائلة: "اشتغلت مع شريف عرفة في اللعب مع العيال واتعلمت البدوية، ومثلت مع محمد إمام وكمان ولاد رزق مع طارق العريان بصراحة مبسوطة جدا الحمد لله".
وتابعت: "شريف عرفة أكتر إنسان قابلته عارف هو عاوز إيه بيقول كات على المشهد اللي هياخده في المونتاج لكنه مش بيختار كذا شوت ويفكر فيهم".
وأردفت: "وأكتر حد ذكي في توجيه الممثلين والسيطرة على اللوكيشن بكل هدوء وكل ذكاء ومفيش حد بيعلي صوته في اللوكيشن والناس كلها بتحترمه والناس كلها بتيجي في مواعيدها".
واختتمت جلال حديثها عن شريف عرف، قائلة: "شريف عرفة عامل دريس كود معين ودي حاجة أنا اكتشفتها لأنه بيتعامل مع الاستوديو إن ده المكان اللي بتنتمي له فلازم نحترمه ولو رايح شغلك فتلبس حاجة مناسبة ما ينفعش تيجي بشورت او شبشب حتى لو الجو حر في الصحراء انت لازم تحترم شغلك، وكان في حد لابس شورت فكلمه بلطافة وفهمه".
وتحدثت أسماء جلال عن مشاركتها في فيلم ولاد رزق 3، وقالت: "أنا بحب ولاد رزق الأجزاء اللي فاتت ولما طارق العريان كلمني على الجزء ده تحمست جدا وقلت له أنا موافقة، وأنا اشتغلت مع عمرو يوسف قبل كده في مسرحية وهو حد لذيذ أوي والطاقة بتاعته حلوة".
وعن دورها كراقصة في ولاد رزق 3، قالت جلال: "فكرنا الشخصية دي تكون إيه هل رقاصة، فأنا قلت له لأ مش عاوزة، قال نصابة؟ قلت تمام او رقاصة محترمة الرقاصة اللي بتلبس توب تحت بدلة الرقص".
وشرحت أسماء جلال طبيعة شخصية عمرو يوسف، قائلة: "ربيع بيعمل كل حاجة غلط ولكن مش عارفة أمسك عليه حاجة بس حاسة وفي الحقيقة ممكن أي واحدة يضحك عليها، شاكيرا نفسها اضحك عليها".
.jpg)
