كتبت - أميرة عاطف
أكد الكاتب الصحفي مجدي الجلاد أن المشهد السياسي الحالي يحوي أشخاص فاسدين من أيام نظام مبارك، مبديا ثقته في أن رئيس الاستخبارات الأسبق عمر سليمان ميت بالفعل وليس كما يشيع البعض من وقت لآخر بأنه مازال حياً.
وقال الكاتب الصحفي مجدي الجلاد، خلال استضافته ببرنامج "أسرار" مع الإعلامية أميرة بدر المذاع على قناة النهار: "كنت واقف في عزاء مبارك في الصف مع جمال وعلاء واتكلمنا شوية وحصل بيننا حوار، اتكلمنا في عجالة في حاجات، قلت له مهما حصل خلاف او اتفاق فهو عاش وطني ومات وطني".
وأضاف "لما عملت حوار مع حسني مبارك، هقول ما يسمح به في الفترة الزمنية الحالية، والحوار كان يبدوا ابوياً، وقالي الفساد موجود وعارفهم بالأسم، وقالي كلمة وجعتني أوي على مصر، قال أحيانًا الحد اللي قاعد مكاني يقعد يحسبها لو قبض على جزء من نخبة مصر، مثلًا في القضية اللي فاتت، هيبقى في صالح سمعة مصر، وقال كل واحد هيجي وقته، وبالمنطق ساعتها كنت مش مقتنع، بس لما قعدت مع سياسي كبير في بيته، وسألته على منطق مبارك، رد السياسي وقالي، هتقدر تعرف حساباته لما تقعد على نفس الكرسي، قلت له هو الكرسي له حسابات، قال اه، قلتله هل تصل للمرحلة دي، قالي ازاي تبقى ساذج للدرجة دي ما انت يا مجدي جوه وعارف، وانا لا مصدق ده ولا مصدق ده، ومش مقتنع لحد دلوقتي، لانه قال اسم أنا عارف انه فاسد، والشخص ده موجود لحد دلوقتي في المشهد".
وتابع قائلًا: "عمر سليمان ميت مش عايش، وسيبك من كل اللي بيتقال، أنا من أكتر الناس اللي واثقين إن عمر سليمان مات، لأن القصة بتاعتي من المصدر اللي مينفعش يكذب، وهو طبيبه الخاص".
برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
https://fb.watch/rhsv2MUKyf/
