كتبت - أميرة عاطف
وجه الكاتب الصحفي مجدي الجلاد تصريحا للفنان محمد رمضان، انتقد فيه إسلوب رمضان في الاستعراض وإظهار مدى البذخ والرفاهية التي يعيش فيها.
وقال الكاتب الصحفي مجدي الجلاد، خلال استضافته ببرنامج "أسرار" مع الإعلامية أميرة بدر المذاع على قناة النهار: "في يوم قابلت 3 شباب في كوبري الجلاء وسط البلد، قالولي ممكن نتكلم معاك دقيقة وهما بسطاء، ايام ما محمد رمضان كان بيتصور بالذهب و العربيات في فيديوهات مع تقديري الشديد له، حسيت في كلامهم بمرارة من اللي بيشوفوه على السوشيال ميديا، فأثار الموقف فيا الغضب، إن مصر فيها ناس غلابة كتير، ونسبة فقر عالية، فإذا كان ربنا أنعم عليك بمال قارون، ماتمررش حياة الناس الفقيرة خاصة إنك طالع منهم"
وأضاف، "لما قلت عليه إنه فنان فيروسي كنت غاضبًا، وبقوله خلي بالك يا محمد، وفيه ناس نفسنا نقولهم معلش الظروف صعبة، وإيه اللي هيفيدك طالع راكب طيارة وراكب عربية غالية، ورده مش مقنع، والناس مش مستنيه يشوفوا الحاجات اللي عنده عشان يعرفوا إن ربنا رزقه، وأنا مش من أنصاره".
برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
https://fb.watch/rho4aE15ul/
