كشف الفنان فتحي سعد، عن مصدر دخله مؤكدًا أنه لا يمتلك أي عمل خاص غير الفن، موضحًا أن ابنائه يساعدونه في احتياجات المنزل.
وقال سعد فتحي، في لقائه مع الإعلامية إنجي هشام، في برنامج "المنسي"، المذاع عبر شاشة قناة "هي": أنا معنديش حاجة غير الفن والناس كلها عارفة كده، معنديش حاجة أملكها ولا حاجة اتسند عليها غير الفن، أنا بشتغل في مسرح الدولة، وأنا الحمد لله عندي أولادي كبار بيشتغلوا، ومش عيب أني أقول أن ولادي بيتحملوا جزء معايا من مصاريف البيت، وإذا كنت بعمل عمل مسرحي أو اتنين يبقى حاجة بتسند حاجة.
وتابع: عايز أقول أني زعلان على نفسي، المنتجين والمخرجين عايزين إيه أكتر من أن الناس عارفة الفنان ومشهور، مقومات الفنان عندي ومش عارف أقول إيه.
أما عن دخوله عالم التيك توك، فعلق سعد فتحي: لجأت لـ التيك توك علشان يكون في تواصل مع الناس وهل فكراني ولا لأ، الموضوع مكنش مادي، ولاقيت الناس من الدول العربية عارفاني وفكراني، ياريت المخرجين والمنتجين يعرفوا ويسمعوا الكلام ده.
وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.
https://youtu.be/8Hj-clo-Zjg?si=DEvg8SF1wz7ImtAH