كتبت - أميرة عاطف
"من 20 سنة وأنا في ضهر القضية الفلسطينية وخاطرت بحياتي ورحت معبر رفح لكي أساند أهلنا في فلسطين وغزة"، بهذه الكلمات حاول المطرب تامر حسني الدفاع عن نفسه وتبرير موقفه بعد حالة الهجوم الكاسح عليه على خلفية تقديمه إعلان لشركة شيبسي الموضوعة على رأس قائمة الشركات الداعمة للكيان الصهيوني.
وكتب حسني بيان طويل قال فيه :مساء الخير عليكم .. بقالي يومين بتابع اللي بيحصل و احتراماً للجميع .. أنا بوضح حاجه بخصوص إعلان شيبسي الاخير
أولاً انا على قوة الشركه من سنتين قبل أي أحداث و ده مش أول إعلان ده ثالث إعلان في عقدي ، معلش احياناً الكلام عند بعض الناس بيبقى سهل و تحديداً لما بيكون بدون علم بالعقود و بحيثيات الموضوع كله
وتابع :ثانيا أنا مضيت على عقد مكتوب فيه أن شيبسي شركه مصريه و لها سجل تجاري ضريبي مصري منفصل و البند قدامكم اهوه لصدق كلامي
وأضاف حسني : و الأهم لأي حد بيشكك في انتمائي للقضيه الفلسطينيه هقوله انا من ٢٠ سنه و انا في ضهر القضيه و مش كلام و اغاني بس لاااااا …. أنا رحت بنفسي معبر رفح أثناء الضرب لمساندة اهالينا هناك بأكبر حملة معتقدش في حد هيخاطر بحياته و يروح بنفسه معبر رفح اثناء الضرب مجامله مثلاً …!!
واختتم بيانه قائلا …. أنا لما قررت اكون الوجه الاعلاني لشيبسى من سنتين لانه منتج مصري كل المصريين بيحبوه و البطاطس من الفلاحه المصريه و بيتباع في مصر بس و اتربينا عليه و الاهم ان الشخص البسيط يقدر يشتريه في ظل ظروفنا الاقتصاديه و اظن ده واضح في الاعلان .. ده كان شعوري الشخصي اتجاه الحمله وانا بمضيها من سنتين عشان كده كان واجب عليا التوضيح للجميع و للّي مش واصلاله الصوره بكل احترام .. و شكراً لكل اللي ردوا عني و هما مغمضين حقيقي انتوا نعمه كبيره من ربنا الف شكر و رمضان كريم على الجميع
https://www.elmaseer.com/57006
وكان تامر حسني قد تعرض لهجوم كاسح عبر منصات التواصل الاجتماعي، وفقد أكثر من مليون متابع من متابعيه على الفيس بوك، وأبدي الآلاف من متابعيه بالغ الاستياء والاحتقار لموقفه، بسبب موافقته على القيام بإعلان لشركة شيبسي التي تأتي على رأس قائمة الشركات الداعمة والمتبنية للكيان الصهيوني
