كتب احمد حمدي
تحدث شاب يدعى أحمد عن معاناته منذ الصغر مع مرض نادر لا يستطيع بسببه أن يرى الشمس.
وقال أحمد خلال تصريحات صحفية :" الدكاتره كانوا بيقولوا لوالدي ماتخرجهوش وماتخليش حد يشوفه، وفي اللي قال حطه جوه صندوق إزاز وماتخليش حد يشوفه".
وتابع: عانيت من التنمر على شكلي واترفضت أربعة مرات وحتى البنات مكنتش بترضى تعقد معايا، أنا مش زعلان على نفسي أنا زعلان من عقليتهم.
وأوضح: مريت بالكثير من المواقف الصعبة في حياتي منها دكتور عمل لي عملية غلط تعبتني زيادة، وسيدة كنت ذاهب مع ولدي في شغل ورفضت دخولي إلى المنزل.
وأكمل:" أنا مؤمن وراضي باللي ربنا كتبهولي بالعكس أنا شايف نفسي أحسن من ناس كتير وحاولت اثبت للعالم إن الإنسان مش بشكله بل بعقله، وفي ناس كتير بتكلمني بتحاول تستفيد مني منهم اللي اتعرض للحرق، ومنهم اللي اتعرض لحادث وحياتهم وقفت بعد كده".
واختتم: نفسي أقدم محتوى اوعي فيه الناس ازاي نتعامل مع المرض ومع الناس وعدم التنمر عليهم.