نفت البلوجر هدير عبد الرازق شائعة القبض عليها مرة اخرى، وإحالتها للمحاكمة بتهمة سب وقذف مخرج أكشن شهير أمام المحكمة الاقتصادية، والتي انتشرت أمس.
حيث ظهرت هدير عبد الرازق في بث مباشر عبر حسابها الرسمي على موقع التواصل الاجتماعي فيسبوك، وقالت فيه: "الحمدلله أن ربنا أنعم عليا واتحركت لاني من الناس اللي كانت ضد اني أجري في المحاكم وألجا للقضاء، والحمدلله اتخذت إجراء ضد أي صفحة بتنزلي فيديو من فيديوهاتي، سواء لايفاتي القديمة أو تيك توك ولا حتى استوري، أي بيدج أو جروب أو اكونت عادي بإسم هدير عبد الرازق غير صفحتي الرسمية، هاتخذ ضدها إجراء قانوني واقفلها".
وتابعت عبد الرازق: "أنا بالفعل عملت 85 قضية لناس مختلفة، وزي ما في مصر بيتخذوا إجراء قانوني ضد الفسق والفجور وضد حقوق المجتمع، انا كمان ضمن المجتمع وليا حق اني اعترض أن أي حد يشارك فيديوهاتي ويتربح على قفايا".
وأكدت هدير أنه يوجد بعض الصفحات تتربح بسبب فيديوهاتها، قائلة: "أقسم بالله العظيم انا ما أخدت جنية من السوشيال ميديا دخل جيبي، فيه ناس كتير أوي بتاكل عيش على قفايا، هما وضميرهم بقى وهما اخصامي يوم الدين عند ربنا، ومش هسامح ده أولا".
وأكدت هدير أنها لجأت إلى القضاء بسبب بيدج تحمل إسم"تجربة"، وقالت: "أنا عملت قضايا كتير جدا وخصوصا للبيدج اللي اسمها تجربة اللي محتلاني بحس ساعات انها صفحتي، تجربة 1 وتجربة 2 انا عملت قضية كبيرة أي بيدج أو اكونت هينزل حتى صورة ليا انا هقاضيه".
وأضافت: "مفيش ولا اكونت على فيسبوك ولا تيك توك يخصني معنديش غير الصفحة دي بس على فيسبوك، وأتمنى من السادة الافاضل لو ما اتدخلتوش بالخير وما تتدخلوش بالشر، شدتي دي ظهرت لي مين يستحق يتقاله شكرا وانت حد محترم ابن أصول ومين لأ".
وتابعت: "وانا بتكلم عن ناس معينة فيه ناس كانت بتتقرب مني عشان يأذوني ويكلموا الصحافة الصفراء الكذابة كلام على لساني ما قلتوش واتهامات ماليش علاقة بيها يعني أنا لسه صاحية من النوم على خبر أن تم القبض عليا تاني ربنا يبعد عني حاجة وحشة زي كده، أنا ما اتقبضش عليا تاني ولا عملت ولا ناوية اعمل حاجة تستدعي اني اتعرض لموقف زي ده تاني".
.jpg)
_1_2_3_4_5_6_7_8_9_10_11.jfif)
