صرحت الفنانة وفاء عامر لأول مرة أنها لجأت لطبيب نفسي للعلاج بسبب شخصيتها التي جسدتها في مسلسل حق عرب، الذي عُرض في موسم رمضان 2024، وحقق نجاحًا كبيرًا، مؤكدة أنها جسدت مشاهد صعبة خلال تصوير العمل.
وكشفت وفاء عامر هذه التفاصيل في لقائها مع الإعلامي عمرو الليثي في برنامج "واحد من الناس" والذي يُذاع عبر فضائية الحياة قائلة: "أنا باخد أدوية نفسية بعد دوري في مسلسل حق عرب، وأنا أساسًا ماشية مع دكتورة نفسية وده مش عيب، أنا بشوف المجتمع بيجرم أن حد يروح لطبيب نفسي، والدكتورة قالتلي لازم تروحي تعيشي شوية في جبل وفعلًا روحت لوحدي عيشت في مكان قريب من جبل بعد الغردقة شوية علشان أفصل من شخصيتي في حق عرب، وارتاحت جدًا".
روت وفاء عامر كواليس العمل مع الفنان الكبير رياض الخولي، خلال تصوير مسلسل حق عرب وعقبت على ذلك قائلة: "فيه مشاهد كتير صعبة، ورياض الخولي كان بيضربني بجد في المشاهد وأنا بتعافى لغاية دلوقتي، كان بيبقى منفعل وأنا مبشوفش، ولو كنت أعرف أنه هيضربني بجد مكنتش همثل، وهو كان بيضربني في غير مكان الضرب، يعني لو المفروض يضربني في الجملة الرابعة كان بيضربني في الثالثة أو الخامسة، وده كان بيطلع مني رد فعل أحسن لأني مببقاش متوقعة".
وأكدت وفاء عامر خوف الفنانة دنيا المصري من مشهد ضربها لها بالقلم على وجهها مشيرة أنها أخفت عنها حقيقة المشهد وقالت: "دنيا المصري لما كانت بتقولي إيه ده هتضربيني بجد؟، أنتي مقاس إيدك 46.. أقولها لأ متخافيش، وكنت بضربهم علشان رد فعلهم يطلع أحلى".
.jpeg)
