روت الفنانة شيماء سيف، تفاصيل عن حياتها الشخصية وأنها منزعجة من الرجال وشكلها في الصغر.
كما كشفت شيماء سيف عن اجرائها لعملية تكميم المعدة خلال لقائها في برنامج كلام الناس مع الإعلامية ياسمين عز والذي يُذاع على قناة MBC مصر قائلة: "عملت تكميم معدة وأنا صاحبة مقولة ليه أعمل رجيم وأنا قدامي شيكولاتة، وأنا كنت بقول إلا صحتي والسنة اللي فاتت رجلي بدون سابق إنذار وركبتي مش قادرة اتنيها، وبطلع السلم بصرخ ووجع فظيع، وكلمت دكتور وقالي لازم تعملي أشعة وقالي لازم نعمل تغيير مفصل حالًا، وهنا حسيت اني واحدة تانية".
وتابعت شيماء سيف: "أنا بكره المستشفيات وانهارت وجالي اكتئاب، والفنانة يسرا قالت لي أنتي فيكي حاجة، ووقفت التصوير وحكيت لها وقالت لي نروح لدكتور تاني وفعلاً طمني وقالي مش محتاجة عملية ولكن انتي شيلتي ركبتك حمل واحدة مشيت 80 سنة".
وأردفت سيف: "خدت قرار عملية التكميم ومي كساب كانت بتزن عليا عشان اعملها، ووصلت لمرحلة لما بشوف حد بياكل بقيت قرفانة منه، ونزلت 50 كيلو، وراضية جدًا عن شكلي دلوقتي وعايزة أوقف كده، ومبسوطة أني بقيت أركع وأنا بصلي، الأول كنت بصلي على كرسي زي الناس الكبيرة، وربنا يديم علينا الصحة".
وتابعت شيماء سيف معربة عن أسفها من وزنها القديم قائلة: "بتفرج على نفسي في الفيديوهات القديمة بتخض، أنا مكنتش بشوف نفسي كده كنت بشوف نفسي قمر، دلوقتي بشوف نفسي فيهم مدينة رأس سدر، ومقطعة كل صوري وأنا صغيرة ومبحبهاش، دي مرحلة الحمد لله إننا فلتنا منها وربنا يخلي اللي اخترع الفاونديشن، وأنا لو أم ومخلفة طفلة بهذا الشكل كنت هديها بالرجل".
وعن علاقتها بزوجها قالت شيماء سيف: "واخدة الباسورد بتاع جوزي لأن إيه اللي بيعمله ومخبيه عليا؟ ده حقي، مش بفتش وراه ولكن إحساس إني موجودة، وممنوع أي واحدة تركب معاه العربية، الراجل أساس النكد في البيت وبوزهم بقى فقري، واللي طلع دراسة إن الستات نكدية أكيد راجل بوزه فقري".
وتابعت : "الراجل عمومًا مضايقني، وجوده في الحياة أصلًا مضايقني والله، الراجل مدي نفسه حجم أكبر من حجمه".
.jpeg)
