كتب :محمد أبوزيد
في خطوة مفاجئة وغير متوقعة على الإطلاق أعلن على حسين مهدي الناشط المصري المعارض و المثير للجدل على منصة إكس "تويتر سابقا" عن عودته من أمريكا إلى مصر وتسليم نفسه للسطات المصرية، بسبب ما أسماه بالمؤامرة الكبيرة التي تُدبر لمصر من قبل إسرائيل وعدة عواصم غربية على رأسها واشنطن .
واُشتهر على مهدي علي إكس بسبب هيئته المثيرة للجدل وبسبب شتائمه المستمرة وألفاظه غير اللائقة التي كان يوجهها دائما للمختلفين معه وللمسئولين في مصر.
وكتب مهدي تغريدة طويلة على صفحته بمنصة إكس قال فيها :
سأقوم بتسليم نفسي للدولة المصرية خلال ٤٨ ساعة من الآن
سأصل مطار القاهرة الدولي التاسعة صباح الإثنين 27/5 على طائرة مصر الطيران EgyptAir 986 قادماً من چون كينيدي نيويورك
وأضاف :منحتني الولايات المتحدة الحماية باللجوء السياسي والإقامة الدائمة على أراضيها عام 2020.
واليوم أعلن بكامل إرادتي واختياري التنازل عن هذا اللجوء،وعن الإقامة، لأترك أمريكا بشكل نهائي، وأعود لأقف كأي مواطن مصري مع وطنه، من داخل البلاد لا من خارجها.
وتابع :أُقدر جميع الأصدقاء و آلاف الرسائل التي حاولت إثنائي عن قرار العودة لأسباب يعلمها الجميع، لكني أثق في الدولة المصرية وفي مسارها الجديد.
كما أثق أننا لن نستطيع مواجهة المخطط القادم لدولنا العربية إلا باتحادنا جميعاً كعرب تحت راية وقوة واحدة.
وحذر من مخططات كبيرة قائلا :الأحداث القادمة ستصدم الجميع وهتقلب المنطقة كلها بكل اللي عايشين فيها، والضغط على مصر هيزيد، ومصر محتاجة كل ولادها في ضهرها، وعلشان الدولة تقدر تاخد قرارات قوية لازم كلنا نكون متوحدين مش متفرقين.
وعسى أن تعطي عودتنا الأمان لأبنائنا الخائفين بالخارج أن يعودوا إلى وطنهم آمنين مطمئنين لتوحيد الصفوف والوقوف يـد واحدة من جديد..
https://twitter.com/AHMEGYY/status/1793733960230404190?t=yBlQmNJ_DXGLkx8XhWrH6A&s=19
أمريكـا تستعد لحصـار مصـر
وكان مهدي قد أعاد نشر تغريدة سابقة لها كتبها في 15 مارس الماضي وحذر فيها من مؤامرة أمريكية ضد مصر بهدف حصارها، وكشف عن معلومات كان هو شاهد عيان عليها وقال : أول يناير اللي فات كنت سهران في واشنطن مع ناس عرب تقيلة في السياسة والأحزاب الأمريكية كانوا عاملين زي سهرة كدة بعد فاعلية نصرة لفلسطين حضرناها أمام البيت الأبيض
يعني دي معلومات تعتبر من الداخل الأمريكي هنا وأي حد داخل السياسة الامريكية هيكون عارف كلامي ده كويس
امريكا دلوقتي هدفها الاول في المنطقة حاجة اسمها " إحتواء الصين " او China containment "
وبالبلدي كدة امريكا عايزه تاخد البلاد اللي بدأت تروح ناحية الصين وترجعها تاني لقبضتها بالكامل، لمحاربة التوغل الصيني الأخير واللي يعتبر التهديد الأول للهيمنة الأمريكية كقطب أوحد
ومن أهم الدول دي هي مصر لإن الأمريكان عايزين مصر هي اللي تقودلهم الخطة دي في الشرق الأوسط وأفريقيا نظراً لثقل مصر في المنطقة … أمريكا خصصت مبالغ ماليه كبيرة جداً للملف ده عدت ال ١٠٠ مليار دولار ، ولكنها لا تثق في الإدارة المصرية الحالية لإنها شايفه إنها بدأت بالفعل تتعاون بشكل واسع مع الصين وروسيا وحتى كوريا الشمالية في مجال السلاح والحبوب والقمح
وبالتالي… الإتجاه الآن داخل امريكا " وهذه معلومه وليست تحليلات " هو الآتي : تكوين مجموعة من المصرييين الموالين لأمريكا بالكامل جزء منهم عايش في امريكا هنا و الجزء التاني موجودين بالفعل داخل مصر " عملاء لأمريكا وش "
وتمكينهم من البلد بالقوة في حالة دخلت مصر في حالة فوضى
ولذلك بدأت أمريكا منذ أيام في إنشاء قاعدة عسكرية " كـ ميناء على غزة " عل حدود مع مصر!
واحدة من أهم أهداف القاعده العسكرية الجديدة دي هي مصر، ومجرد وجود القاعدة دي هو تهديد لأمننا القومي المصري بكل المعاني
وأضاف "الكلام ده كله متقالي كدة بالحرف، انا بس بنقلّكوا"
وتابع على مهدي "اتعرض عليا كمان الترويج للموضوع ده بإني أطلع اقولكوا إن أمريكا هتجيبلنا الديموقراطية والحرية وإن هذا هو الطريق الوحيد للتحرر والكلام الفاضي ده، لكن رفضت ولن أكون كارت قوة أبداً ضد مصر لصالح دول أجنبية مهما كنت انا غضبان من بلدي
وكل اللي هيشارك أمريكا في المخطط ده أنا أول واحد هقف ضده
واختتم تغريدته السابقة قائلا "أياً كانت إختلافاتنا السابقة مع الإدارة المصرية الحالية فده عمره ما هيكون مبرر للخيانة والعمالة اللي بيتم التحضير ليها
مصر أولى بينا.
