كشف الفنان هشام ماجد أن نجاح مسلسله الجديد "أشغال شقة" والذي تم عرضه في الموسم الرمضاني 2024 عزز من إمكانية تقديم جزء ثانٍ، رافضا المقارنة بينه وبين مسلسل اللعبة، حيث يرى كلا العملين ناجحين.
وحسم هشام ماجد الجدل حول تفوق أي من مسلسل أشغال شقة واللعبة على الآخر، خلال لقائه مع الإعلامية إنجي علي في البرنامج الإذاعي"أسرار النجوم" قائلًا: "كل واحد فيهم تركيبة، وصعب أقارنهم ببعض، واللعبة 120 حلقة أربع أجزاء، وأنا حابب النجاح في المسلسلين، ونجاح اللعبة لأنه مع الأطفال والناس مقسمة نفسها فريق وسيم وفريق مازو كأنك بتتفرج على ماتش كورة، وأشغال شقة نجح لبساطته وقربه من الناس ومفيهوش خيانة وقتل وجريمة وبسيط ولو حكيته قبل ما تتفرجي هتقولي إيه ده.. فيه منتجين كتير قالوا لي مفيهوش حاجة ليه عاوز تعمله؟، لحد ما اتحمس له عبد الله أبو الفتوح وأحمد يوسف وقناة إم بي سي، وصدقونا إننا شايفين حاجة وفكرته بسيطة والتفاصيل نفسها قوية".
وكشف هشام ماجد عن 3 أمور دفعته لتقديم مسلسله قائلًا: "فيه 3 تفاصيل قرأتهم وحمسوني لتقديم المسلسل، وهي أن الدكتور جاب لـ ياسمين أرنب علشان تخس بأنها تاكل من الأكل اللي هو بياكله، والست العجوزة لما راحت معايا الشغل فحطوها مكان المتوفي ودفنوها، وتالت حاجة الشغالة الحلوة ولما حمدي قابل واحد صاحبه افتكر أنها مراته، وأنا بقرأهم قلت عاوزه أعمل ده، والناس بتقدر الموقف الحلو أكتر من الإفيه الحلو، لأن الموقف مضمون وبيشيل".
وأكد هشام ماجد إمكانية تقديم جزء ثانٍ من مسلسل أشغال شقة خاصةً بعد النجاح الذي حققه الجزء الأول، وتابع ماجد: "احتمال كبير نقدم جزء ثانٍ ولكن لم يتم اتخاذ القرار الرسمي".
وعن الجزء الخامس من مسلسل اللعبة، أشار هشام ماجد إلى أن الجزء الخامس ما زال في مرحلة الكتابة، ولا يوجد لدينا استعداد أن يكون أقل من الأجزاء السابقة لذلك قررنا نأخذ وقتا كافيا حتى يخرج بأفضل صورة.
.jpeg)
