عبر مطرب المهرجانات حمو بيكا، عن رأيه في غناء كلًا من مؤدي المهرجانات حسن شاكوش وعمر كمال، كما حدد أيا منهما أقوى من الآخر في الأداء، موضحًا سر خلافه المستمر معهما، رغم الصداقة التي تجمع بينهم.
وقال حمو بيكا، خلال لقائه في قناة "المشهد": "إحنا الثلاثة اسمنا فريق الرعب، ودي الساحة بتاعتنا ومحدش يقرب مننا، وطبيعي بيحصل بينا شوية خلافات ولكننا في النهاية أخوات".
أما عن تصريحاته بشأن تصالحه مع عمر كمال، الذي أعلن من قبل أنه يتعرض للسحر على يده، قال: "عمر كمال غلبان و مكنش عمل حاجة، أنا اللي كنت بنكشه".
وأكد بيكا، أن أداء حسن شاكوش أقوى من عمر كمال كما أنه قدم أعمال فنية مع حسن شاكوش أكثر من عمر كمال.
وفي السياق، أعلن مؤدي المهرجانات حمو بيكا دعمه لزميله عصام صاصا في قضية القتل الخطأ، وخاصة بعد تعرضه للهجوم من رواد مواقع التواصل الإجتماعي.
وجاء ذلك عقب انتشار أنباء بصدور قرار النيابة بالقبض على عصام صاصا في المطار بعد عودته من دبي، لايجابية تحليل المخدرات وإثبات تعاطيه المخدرات والكحول يوم الحادث.
ونشر حمو بيكا عبر حساباته الرسمية على مواقع التواصل الإجتماعي، صورة لزميله عصام صاصا، ومكتوب عليها عصام صاصا مش مجرم، وعلق على الصورة: "عصام صاصا عمره في حياته ما كان مؤذي أو شخص مش كويس، وأنا مش بكتب الكلام ده عشان اظيط في الزيطة، ومش محتاج ازيط أنا ك حمو بيكا أنا اعرف الراجل ده من سنين السنين كمان، خبط واحد بعربيته قضاء و قدر، ياريت بقي الناس بتاعت التيك توك والصحفيين والناس اللي هي بتزيط دي متركبش المركب بالشقلوب، و تفضل تقول كلام محصلش الراجل ده دلوقتي في محنة، وفي أكتر من شخص بيطلعوا يعملوا فيديوهات ملهاش أي تلاتين لازمة، ملكمش الحق انكم تتكلموا وملكمش الحق انكم تطلعوا تجيبوا سيرته ب أي حاجة".
وتابع بيكا: "أنا شايف كمية فيديو ع التيك توك بجد حاجة تقرف، حاجة تدل على أن إحنا شخصيات معندهاش مبدأ و شخصيات مقرفة، ايًا كان جريدة ايه أو الصحفيين اللي بيمشوا بالتليفونات في أي حتة دول، انتم ملكمش الحق أنكم تتكلموا في أي حاجة اصلًا، و مين اداكم الحق للكلام ده بس بجد انتوا ابشع مما تتصوروا.. الراجل مات و ده نصيبه الله يرحمه و يرحم جميع أمواتنا لكن المزيدات ملهاش لازمة، صدقوني و القانون والدولة هما الوحدين اللي ليهم الحق في الكلمة أو في أي حاجة تخص الموضوع".
وأنهى حمو كلامه: "ياريت بقي نهدا ونبطل هري و نهدا كل شوية جريدة تطلعلنا واحدة مبتعرفش تتكلم تفضل تهري في الموضوع، ربنا يرحم اللي مات برحمته .. وربنا يرجعلنا عصام صاصا بالسلامه، #عصام_صاصا_مش_مجرم".