كشفت جهاد ماهر زوجة مؤدي المهرجانات عصام صاصا تفاصيل جديدة لأول مرة في قضية القتل الخطأ المتهم فيها زوجها عصام صاصا بعد دهسه عامل على الطريق الدائري والتسبب في وفاته في الحال.
ونشرت زوجة صاصا صورًا لرسائل على تطبيق واتساب بين أحد شهود العيان للحادث، وهو سائق سيارة "جيلي" تم ذكر تفاصيل عنه من قبل عصام صاصا أثناء التحقيق معه.
حيث أدلى عصام بأقواله مؤكدًا وجود سيارة نوعها جيلي أمامه في وقت الحادث وأن المجنى عليه ظهر فجأة بعد مرور هذه السيارة.
وتواصل صاحب هذه السيارة مع أحد المقربين ل عصام صاصا وأرسل له رسائل بأنه يحاول التواصل مع أي شخص ليدلي بأقواله.
وأضاف هذا الشاهد أنه يعمل في شركة اندرايف الشهيرة وكان معه في السيارة عميلة وأنها على استعداد بالشهادة لصالح عصام صاصا.
وأكد هذا السائق أن المتوفي كان يمر الطريق بدون أن يأخذ حذره وأنه ظهر بشكل مفاجيء وكان من المفترض أن يصطدم بسيارته لكنه تحرك في جهة الشمال واصطدمت به سيارة عصام صاصا.
وكتبت جهاد ماهر زوجة عصام صاصا عبر حسابها الرسمي على موقع تبادل الصور والفيديوهات انستجرام من خلال خاصية استوري منشورًا: "الحمدلله عصام كان بيقول إن فيه عربية جيلي جنبه وفي راجل هناك شغال شاف الحادثة قال إن العربية الجيلي دي كانت هتخبط اصلا الراجل وهو حدف نفسه شمال ماكانش شايف أن فيه عربية تانية ولا عصام كان شايفه وحصل قضاء ربنا".
ودافعت جهاد عن زوجها وقالت: "عصام أكتر واحد عمره ما بيرد على كلام الناس، بس الطرف التاني ربنا يصبرهم يارب الإعلام الفاشل الظالم استغلهم وخلاهم يطلعوا يتكلموا في وقت المفروض حد يقف جنبهم ويصبرهم وخلاهم يتكلموا وهما أصلا ما كانوش في الواقعة بيقولوا أن أخوهم كان واقف على الرصيف غلط الكلام ده غلط ومن أول يوم عصام قال أقواله في النيابة أن الراجل ظهر في نص الطريق".
وتابعت جهاد: "بما أن القضية بقت رأي عام وعصام كل ده ما طلعش رد، عشان الحالة اللي هو فيها ما تسمحش بس التجريح والإشارات كترت، واحنا لينا حق الرد، ولازم تسمعوا الحادثة من الطرفين قبل ما تحكموا".
وتابعت : "النهارده انا هطلع أدافع عن جوزي وفيه شهود في الحادثة هيطلعوا ويتكلموا لأن الظلم حرام، أنا جوزي مش بيدوس على الناس بفلوسه، أنا جوزي اللي كنتوا بتقولوا عليه سواق توك توك جابها من الصفر، برضه أحن قلب وأكتر واحد بيحس بالناس، وأنا مش هسمح بأي كلمة غلط تتقال عليه تاني".
.jpeg)
