أعلن مطرب المهرجانات مصطفى "عنبة" دعمه لزميله عصام "صاصا" في مواجهة ما يتعرض له من هجوم على مواقع التواصل الإجتماعي عقب اتهامه بالقتل الخطأ، عن طريق دهس عامل على الطريق الدائري.
وجاء ذلك عقب صدور قرار النيابة بالقبض على عصام صاصا في المطار بعد عودته من دبي، لايجابية تحليل المخدرات وإثبات تعاطيه المخدرات والكحول في يوم الحادث.
ونشر مصطفى عنبة فيديو عبر حسابه الرسمي على موقع تبادل الصور والفيديوهات انستجرام من خلال خاصية استوري وقال خلاله: "إزيكم يا جماعة عاملين إيه، أول حاجة إنا لله وإنا اليه راجعون، أنا طالع بقدم خالص التعازي لأسرة ضحية حادثة عصام صاصا، ربنا يرحمه ويصبركم أنا حاسس بيكم، بنت عمي اتوفت من 4 سنين أو أكتر على طريق وهي بتعدي برضه، العربية خبطتها وجريت ومحدش وقف".
وتابع عنبة: "وأنا عارف إن مفيش فلوس في الدنيا تعوض ابنكم، بس سيبكم من الكلام اللي بيتقال، وأنا مش بلومكم في حاجة ربنا يصبركم الموقف صعب من الطرفين، انتوا متدمرين نفسيًا وهو متدمر نفسيًا، بس اللي عايز أقوله هو مش بيخبط أي حد وهو مش بيدوس على الناس بفلوسه وبلاش حد يفهمكم حاجة عن الراجل اللي انتوا مش شايفين حالته بسبب الحادث ده ايه، الله يرحم المتوفي أنا طالع أقول للناس، إن اللي على النت مهتمين باللي عمل الحادثة، وعمالين يخبطوا ومحدش حتى مهتم يدعي للراجل اللي مات، و ده اسمه استغلال وتريند، أبوس إيديكم يا تعزوا الناس يا تخرسوا".
https://www.instagram.com/stories/3enaabb/3365923945148188756?igsh=MXVncDZlejdudXB3NA==
.jpeg)
