كتبت - رحاب عنتر
أثارت الفنانة راندا البحيري الجدل على مواقع التواصل الاجتماعي بعد ظهورها مع الإعلامية مروة صبري في برنامج قعدة ستات بوزن زائد.
كشفت راندا خلال اللقاء عن شخص يلاحقها للأذى بها، ويقنع المنتجين بعدم اختيارها لأعمال فنية، مما آثار غضب متابعيها وجمهورها وشعروا بالقلق والخوف عليها.
طمأنت راندا البحيري متابعيها ونشرت منشورًا عبر حسابها الرسمي على موقع التواصل الاجتماعي فيسبوك وعلقت: "اطمنوا عليا أنا كويسة جدًا الحمدلله، اللي كان مخليني مش فرحانة فترة طويلة إن كان فيه أسرار كتير و حاجات مقولتهاش لبني آدم، و حاولت أقولها للناس المعنية ب حلها و معرفتش بس بجد لما خرجت مني للناس القريبين الطيبين ارتاحت الحمدلله جداً، إنما فكرة الشغل و كده أنا مش بشتكي أساساً و لا عايزة حاجة من حد و الحمدلله أنا حالتي المادية كويسة جداً و شغالة في حاجات كتير تانية غير التمثيل.
وتابعت راندا: "بالنسبة لـ الوزن الزائد اللي ظهرت بيه في حلقة الإعلامية الجميلة أوي مروة صبري، ف أنا كنت خارجة من دور برد قاسي قعد معايا شهر خدت فيه ٣ علب مضاد حيوي و خدت دوا علشان أقدر أتنفس و خدت دوا للحساسية، الأدوية خلت المياة تتحبس تحت الجلد، ده غير إن الزاوية اللي اتصورت منها كانت مش حلوة تماماً و الاضاءة متظبطتش علي وشي صح، وانا كنت مرتبطة ب برنامجين، برنامج مروة صبري و بعدها ب ١٨ ساعه برنامج مروى عبد المنعم علي قناة الشمس، و بالرغم من ان الوزن الزائد مش حاجة المفروض أطلع أبررها، بس أنا حبيت أوضح مش أبرر علشان لاحظت إن فعلاً فيه ناس خافت عليّ و فيه ناس تانيه ابتدت تطلع إشاعات ان فيه عندي حاجة اكبر من كده بس الحمدلله أنا بطمنكم مفيش اي حاجة وا صلًا المياه اللي تحت الجلد دي نزلت بعد تصوير البرنامج ب ٤٨ ساعه وانا دلوقتي حالًا أحسن بكتير أوي أوي".
.jpeg)
