أكدت الفنانة ياسمين عبد العزيز أنها مازالت تحب أحمد العوضي حتى الآن رغم انفصالهما، على الرغم أنه وقع بينهما خلافات كثيرة قبل الطلاق.
وقالت ياسمين عبد العزيز في برنامج صاحبة السعادة للإعلامية إسعاد يونس ردًا على سؤالها: "الغريب في علاقتك أنتي وأحمد العوضي أن الإحترام متبادل بشكل فظيع، مشاعرك ممتازة راقية جدًا، لما تعب روحتي له، محصلش نفور بينكم وكراهية ، أنتوا الـ 2 على نفس مستوى الحب المتبادل طول الوقت حصل ايه؟".
لترد ياسمين قائلة: "أنا مش بحب أحمد أنا بعشقه ولما حبيت أحمد العوضي اكتشتفت إن أنا مكنتش بحب قبل كده، إن الحب اللي قبل كده ده مكنش حب، أحمد كان أول حب في حياتي، أنا كنت فاكرة إن قبل أحمد كان حب لكن مكنش حب، الحب الحقيقي هو أحمد".
لترد عليها إسعاد يونس: "طب وبعدين النصيب خلص كده ولا إيه مش فاهمة؟".
وأجابتها ياسمين: "ربنا بقى، أنا عن نفسي عملت إستخارة وعملت عمرة ودعيت ربنا واللي ربنا رايده يكون فيه حاجات كده بتبقى بتاعة ربنا، أنا عارفة إن أحمد بيحبني وهو عارف إن أنا بحبه".