كتب - شريف سمير :
لايترك رجل الأعمال نجيب ساويرس لقطة ولو عابرة وتبدو بسيطة إلا وتنفجر وراء تعليقاته سيل من السخرية والرسائل الملفتة .. وآخرها مقطع فيديو انتشر بشكل واسع تظهر فيه فتاة مصرية تشرب من نهر النيل مباشرة بدون تنقية في أسوان، فأعرب ساويرس عن دهشته من تصرف الفتاة، وطالب باستقصاء حالتها الصحية بعد عدة أيام.
** ناس أسوان!
وأكد النشطاء في مواقع التواصل الاجتماعي أن المنطقة المحيطة بجزيرة هيسا بأسوان يشرب الناس من النيل مباشرة، حيث يحافظ سكانها على النيل في هذه القطعة من أرض مصر، وتعليقا على شرب الفتاة من النيل مباشرة، قال أحد متابعي حساب ساويرس: «أنا عايز أقول حاجة بس، المنطقة اللي البنت بتشرب منها دي أنا عشت فيها ما يقارب السنة، هي المنطقة المحيطة بجزيرة هيسا بأسوان أول حاجة في مصر بعد السد العالي، قعدت فترة طويلة مستغرب ازاي الناس بتشرب من النيل مباشرة كدة، لحد ما خالطت الناس هناك فترة كافية وشفت هما بيحافظوا على النيل هناك ازاي ومهما أقولك ومهما سمعت من كليشيهات فرمي أي حاجة مهما كانت صغيرة تمثل للناس هناك تعديا شخصيا عليهم لأنهم حرفيًا بيشربوا منه، والمياه دي أحسن وأنضف مياه شربتها في حياتي، ومن ذاق عرف».
** المياه المعدنية .. والحنفية!
ورد ساويرس علي تعليق أحد نشطاء تويتر قائلا: «ابقى اسأل عليها بعد كام يوم»، ليشتعل السجال ويدخل متابع آخر علي الخط موجها رسالة لرجل الأعمال الشهير معلقا: «أنت متعود على المياه المعدنية يا نجيب بيه .. متشغلش بالك إنت بمياه النيل ومياه الحنفية، علشان معدتك مش هتستحمل ده»، فرد ساويرس قائًلا:"إحنا صعايدة ناكل الزلط ونشرب الطين ونبقي مبسوطين!".
