حل الفنان ياسر جلال ضيف على، الراديو 90 90، في برنامج الراديو بيضحك، ورد ياسر جلال على سؤال المذيعة له، حول اتهامات الفنانة المعتزلة ، ميار الببلاوي، له في تنصله منها ، بعد ترشيحها في دور داخل مسلسل الفتوة .
وقالت له فاطمة مصطفى مذيعة برنامج الراديو بيضحك: الفنانة المعتزلة ميار الببلاوي، قالت انها طلبت منك، ترشحها إلى دور في مسلسل ، الفتوة وانت معملتش دا، وبعدها كلمتك على الواتس اب ، وانت تنكرت منها وقلتلها انت اللبيس .
ورد الفنان ياسر جلال : انا مكنتش هرد احتراما للأستاذه ميار لأنها أخت عزيزة، وغالية وانا مشوفتهاش من سنة ، 1992.
أنا ببص في ورقتي وأي نجم محترم لا يتدخل في الكاست
واستكمل : هى كلمتني في التليفون وقالتلي أنا عاوزه أشتغل معاك، في الفتوة، لانه ينفع تمثل فيه بالحجاب، وللأسف وقتها كانت الأدوار متسكنة، وانا ببص في ورقتي واي نجم محترم ملوش يدخل في الكاست.
وتابع كلامه: هى بس ميار علشان غايبة بقالها كتير، واعتزلت فمتعرفش، أنا مبتدخلش ومبرشحش، حد أنا رأي استشاري.
لو رحت لمخرج وقلتله شغل الست دي هتفهم غلط هيبقى اكيد في مصلحة
وأضاف جلال : وبعدين انا لما أرشح زميلة اخاف اتفهم غلط، يعني لو رحت لمخرج وقلتله شغل الست دي، هيبقا أنا مصلحتي ايه معاها ؟ مبرشحش زميلات سيدات اخاف اتفهم غلط .
واستكمل حديثه قائلا : أنا مبقولش على المساعد بتاعي لبيس ، لانه دا عيب دا مدير أعمالي ، وانا بغير رقمي كتير، فيمكن تكون كلمت رقم غلط.
وأنا بقولها ميصحش يا ميار عيب مكنش العشم ، انا بحترمك ومازلت احترمك ومكنش يجب ان تطلعي تقولي كدا، ايه الهدف، انت ليكي احترامك وحجابك له أحترامه .
