كتبت - أميرة عاطف
كشفت المخرجة إيناس الدغيدي عن رفض زواجها من شخص مثلي الجنس، قائلة: "عرض زواجي من صديقي المثلي جنسيًا رفضته، هو كان صديق بره عايش في إيطاليا، وكان سنه كبير، وعارف إني عارفة، وكان عايزنى عشان أبقى رفيقة، لأن سننا مش بتاع شهوة، وضحكت لما عرض عليا، وحولت الموضوع هزار، كان رجل عربي، وصديقي ورجل محترم وبيعمل خير".
وقالت المخرجة إيناس الدغيدي، خلال استضافتها ببرنامج "أسرار" مع الإعلامية أميرة بدر المذاع على قناة النهار: "عمري ماحسدت حد، وبحب اشوف الفنجان، وكل شهور واحدة بتجيلي تقرالي الفنجان، لأني مقتنعة إن اللي بشوفه بحققه، واخر مرة من اسبوع واحدة قالتلي هيجيلك موبيل هدية، قلت ايه الهبل ده، بعدها جالي تليفون هدية فعلًا، استغربت جدًا، وفيه حاجات كتيرة بتتحقق، ورأيي في ليلى عبد اللطيف هي صديقتي لكن شافتلي مرة ومتحققش، عندي شراهه للسفر، لما برجع من رحلة بفكر في اللي بعدها، وأنا حاليا في آخر حياتي عايزة ألف العالم، يارب ابعتلى مليون دولار عشان ألف العالم، ونفسي اشتغل مع الهام شاهين مسرح لأنها خريجة مسرح ولغتها كويسة".
برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
https://fb.watch/reM4jnLpav/
