حمد ربنا على نجاح الجزء الرابع، حمادة هلال: كنت خايف على ابني من المداح!

عبر الفنان حمادة هلال عن سعادته بالنجاح الجماهيري الكبير لحلقات الجزء الرابع من مسلسل المداح "أسطورة العودة" الذي يخوض به السباق الرمضاني الجاري، وأكد حماده خلال لقاء مع الإعلامي "أحمد عز الدين" في برنامج
"خيمة one take" أن النجاح الحالي هو أكبر رد على كل من شكك في نجاح الجزء الرابع قبل بدايته قائلا :"لما الناس قالت بنحت نفسي ومافيش فكرة جديدة هتحصل، كنت متأثر شوية وأنا كنت بقول نفسي انت ناوي على ايه بس لما بتتعب وتشتغل انت وكل فريق العمل ربنا كانت مكافأته كبيرة والحمدلله المسلسل نجح ويارب تكمل على خير ومبسوط ان معايا فتحي عبد الوهاب عشرة عمري ودياب وبشكرهم لأنهم أضافوا للمسلسل".

** لو معجبتنيش حتمشى!

وكشف هلال عن كواليس دخول ابنه "يوسف" عالم التمثيل من خلال الجزء الرابع وقال : "هو أصر يكون موجود وقلت للمخرج أحمد سمير فرج لو ابني نفسه معجبنيش أداؤه أنا أول واحد هقولك نمشيه لكن فرج هو اللي اختاره والحمدلله ربنا يحفظه نجح في الدور"

** دموع يوسف!

وكشف حماده لأول مرة أن زوجته شجعته على مشاركة نجلهما في أحداث المسلسل رغم رفضه فكرة تمثيل يوسف من البداية، وأوضح :"أنا كنت ضد إنه يمثل بس هو أصر وأقنع أمه ورايح نزل دمعتين كده علشان تخليني أوافق وفعلا شجعتني بموافقتها والحمدلله إنه نجح لأن كان كل رفضي بسبب خوفي على دراسته"

** ترنيمة الجن!

وأوضح هلال أنه سعيد بردود الفعل على ترنيمة الجن في أحداث المسلسل وأنها من أهم عوامل نجاح الجزء الرابع وتفاعل الجمهور معها بالفيديوهات على منصات التواصل الاجتماعي أكبر دليل على ذلك.

ومسلسل المداح "أسطورة العودة" من بطولة حمادة هلال، فتحي عبد الوهاب، وهبة مجدي، ودنيا عبد العزيز، وخالد سرحان، وتأليف أمين جمال، ووليد أبو المجد وشريف يسري، وإخراج أحمد سمير فرج.