ألقت أجهزة الأمن بالقاهرة القبض على السائق المتهم بمحاولة خطف فتاة بطريق السويس فى الشروق ما تسبب لها في إصابات عديدة، ونزيف داخلي وكسور وسحجات وتم نقلها إلى المستشفى على إثر ذلك.
وقال مصدر أمنى إن أجهزة الأمن تفحص الواقعة للوقوف على ملابساتها والوصول للمتهم حيث وقعت بنطاق منطقة الشروق .
وقد تعرضت فتاة لمحاولة إختطاف داخل سيارة تابعة لشركة توصيل شهيرة بالقاهرة، وتداول رواد مواقع التواصل، منشورات لواقعة تعرض فتاة تدعى حبيبة الشماع لمحاولة اختطاف.
وجاء فى منشور متداول على نطاق واسع لأحدى قريباتها " أنا بكتب الpost ده علشان أحكي ليكم اللي حصل لبنت عمي علشان أولا عاوزاكم تدعولها ربنا يشفيها و يرجعها لينا بالسلامه حالتها لسه في خطر".
وأضافت " حبيبه فاقده الوعي وعندها نزيف في المخ مش بيوقف و محطوطة علي ventilator".
وتابعت " ثانيا خدو بالكم من نفسكم و من بناتكم الناس بقوا مؤذيين ربنا يبعد عنا شرور الناس وان حبيبة استقلت سيارة من التجمع الأول وكانت رايحة مصر الجديدة الساعة ٦:٥٠ مامتها كلمتها في التليفون مكنتش سمعاها كويس علشان صوت الكاسيت كان عالي اوي و الراجل كان بيتخانق فالتليفون حبيبه طلبت منه يوطي الكاسيت قالها لاء وكان بيبرطم بالكلام مامتها مكنتش سامعه هو بيقول أيه قالتلها ماله ده حبيبه قالت لها مش عارفه ماله وقفلت بعدها".
واشارت " اصحاب حبيبه كلموها يشوفها وصلت فين رد عليهم واحد قال لهم صاحبت التليفون دي وقعت من العربيه قعدت تتشقلب لحد مخبطت في الحاجز الاسمنت اللي على طريق السويس ولما راح يسالها ايه اللي حصلك قالت Uber كان عاوز يخطفني و جالها تشنجات و فقدت الوعي"
وأضافت " أنا معرفش حصل ايه يخوفها بالشكل ده ترمي نفسها والعربية بتجري بس أنا عارفة كويس إن حبيبه بتخاف على نفسها وأكيد هو رعبها والسواق اختفي بعد ما وقعت ولا طلب إسعاف ولا وقفلها و قفل موبيل".
واختتمت " أنا عاوزه اختي ترجعلنا ادعولنا انا عاوزه اجيب حقها ربنا ينتقم منه أشد انتقام".