كشفت الفنانة ومقدمة البرامج سارة نخلة، عن إجراؤها لبعض عمليات التجميل في وجهها والتي تحاول تصليح أجزاء منها مثل "تاتو الحواجب" والذي يعرضها للتنمر من الجمهور، وذلك خلال برنامجها "فيس أوف" والذي يذاع على شاشة قناة هي.
وقالت نخلة: "أنتو لحد دلوقتي بتتنمروا عليا وأنا معنديش مشكله ف ده، أنا كنت عامله تاتو ف حواجبي وشكله كان مش حلو وبيلمع على الكاميرا روحت شيلت التاتو كله".
وأوضحت: "أنا شيلت من شعري وزرعت حواجبي حاولت أصلح اللي بوظته، نسبة نجاح العملية عندي كانت ناجحة ولكن غيري منجحتش وعند نفس الدكتور ف ده بيرجع لطبيعة البشرة لظروف أو لسن أو للحظ الموضوع حظ في فنانات عملوا زي أصالة ونورت".
واختتمت موجهة نصيحة للفتيات: "مفيش أجمل من خلقة ربنا، متعملوش تاتو ولا مايكرو بليدنج خلقة ربنا حلوه، مفيش ست وحشه حبي نفسك أنا فيا حاجات مش حلوه غيري بيشوفها حلوه، مش عيب أنك تحاولي تغيري من ذلك للاحسن، أنا مكنش عاجبني مناخيري وعملتها، لو لقيتي حاجه مأثره ع نفسيتك مش عيب إنك تغيريها للي يريحك، تصالحوا مع نفسكوا حبوا نفسكوا".
