ليهم 4 سنين بيموتوني... خالد الصاوي ينفي شائعة وفاته: "لو مت هقولكم"

أعرب الفنان خالد الصاوي عن استيائه، من انتشار شائعة وفاته خلال الساعات القليلة الماضية، مشيرًا أنه يعاني من هذه الشائعة منذ 4 سنوات، مؤكدًا أن من يروج لهذه الشائعات هدفه الأساسي هو جمع اللايكات وتصدر التريند.

وقال خالد الصاوي خلال في مقطع فيديو عبر حسابه الرسمي على موقع تبادل الصور والفيديوهات إنستجرام: "السلام عليكم إزيكم يا أحبائي، أنا سمعت إني موت امبارح جيت اتطمن خير في حاجة ولا إيه؟، على العموم بالنسبة للشخصيات اللي بيقولوا كده أنا موتوني 4 مرات من 4 سنين، وأحيانًا قالوا إن أنا أولادي ماتوا، اللهم احفظنا طبعًا بس أنا معنديش ولاد الحقيقة".

وتابع الصاوي: "مش هقول الناس دي نوياها إيه، لما تطلع إشاعة يبقى عندك غرض ولا أنت بلا شخصية واللي بتسمعه بتحطه على النت على طول؟، طب أنت عارف إن ده ممكن يكون تأثيره بايخ على الأهالي؟ ما علينا، أول حاجة الشخص اللي يعمل كده ده كاذب فهو عايز لايكات، نطلع من الحساب بتاعه وننبه الآخرين أنه كذاب، وبأكد أني في الحاجات الضرورية جدًا والحساسة لازم أطلع أكد أو أنفي الحاجة، وتأكدوا يا جماعة إن أنا لو مُت هكون أول واحد بيطلع وبيقول".