أعلن الفنان عمرو يوسف دعمه لزوجته الفنانة كندة علوش، بعد الإعلان عن إصابتها بمرض سرطان الثدي، وتعاطف زملائها معها وسط صدمة جمهورها.
ونشر عمرو يوسف صورة له برفقة كندة علوش، عبر حسابها الرسمي على موقع تبادل الصور والفيديوهات إنستجرام، معبرًا عن إعجابه بصبرها وقوتها، وعلق على الصورة قائلًا: "الحمدلله ثم الحمدلله ثم الحمدلله.. الحمدلله على كل شئ.. ظروف صعبة مرينا بيها على مدار سنتين".
وتابع يوسف مؤكدًا على قوة إيمانها بقضاء الله، قائلًا: "أنت كنت مؤمنة ومسلمة أمرك لله.. ظهورك وكلامك قوى ناس كتير هتبدأ رحلتها وكانت خايفة.. لكن انت في عز تعبك اديتيهم قوة".
ووجه عمرو يوسف الدعم النفسي لزوجته قائلا "ربنا يخليكي ليا ولأولادك ولحبايبك في الدنيا كلها اللي ما بطلوش دعاء ليكي من ساعة ما عرفوا.. ربنا يحبب فيكي خلقه كمان وكمان عشان انتي تستاهلي كل حب الدنيا.. يا أجمل قلب في الدنيا".
وفي سياق متصل، أشارت كندة علوش على حرص عمرو يوسف على استقرار حالتها النفسية، وذلك خلال لقائها في بودكاست الإعلامية منى الشاذلي، وقالت: "عمرو لما عرف إني مصابة بالسرطان كان خايف أكتر مني وقلقان، وهو مش سودوي ولكن كان حاطط الفكرة دي قبلي وكان حاسس، وقررت أنا وعمرو إننا مش هنعرف حد لأننا مش عايزين نقلق الناس، وعمرو كان بيوصلني الجلسات ويقولي إن لازم حد يقعد معايا في المستشفى".
وتابعت علوش: "كنت بخلي عمرو هو اللي يجي معايا كنت عاوزة أمشي الرحلة بنوع من الانغلاق، كان فيه صديقة عزيزة خفت من سنين وقالت لي علشان تخففي جلسات الكيماوي خلي معاكي شلة، جيت أفكر أعمل كده حسيت أني مش قادرة كنت عازوة أخوض الرحلة دي لوحدي، وعمرو مُصر يجي كنا ساعات مش بنتكلم وأنا بقرأ قرآن أو بفكر أو أتامل، كنت عاوزة أشيل مسؤولية نفسي وأنا مركزة."
