أعلن الفنان تامر عاشور دعمه للفنانة شيرين عبد الوهاب، في أزمة التسجيلات الصوتية، التي تم تسريبها من على هاتف طليقها الفنان حسام حبيب، والتي تخص أهل شيرين بشكل شخصي.
وجاء في التسريبات الصوتية كلام على لسان شقيق شيرين عبد الوهاب ووالدتها، وعلق تامر عاشور على هذه التسريبات عبر حسابه الرسمي على موقع التدوينات القصيرة اكس، قائلاً: "كل اللي اقدر اقوله في موضوع شيرين عبد الوهاب،.. إن مفيش كلمه واحده بس من اللي اتقالت وانتشرت صح انا قريب من أهل شيرين ووالدتها واخوها، .. انا برضه اقولها اني بحبها وكل الدنيا بتحبها وتحب فنها، … أهل شيرين مظهروش ف حياتها آخر سنتين تلاتة، أهل شيرين هم أهل شيرين من زمان، كل نجاحات شيرين كانت وسط أهلها وناسها، اللي يشيلوها من ع الارض شيل".
كما دعا عاشور لـ شيرين بأن يبعد عنها كل شخص خبيث، قائلاً: "يارب يبعد عنها كل خبيث واناني وفاشل وممثل، هي أطيب منهم كلهم وهم اللي وقعوها فكل مشاكلها "انت بمن حولك "، لو اللي حواليك فشله غصب عنك لازم تبقى زيهم، وتعافر علشان تقدر تمارس اللي كنت بتعمله ف عدم وجودهم بمنتهى السهولة".
وأكد علاقته الطيبة بأهل شيرين، وقال: "أنا كلت عيش وملح ف بيتها وف بيت أمها وأخوها، وكان لازم أقول الكلام ده علشان الكلام ده هو الكلام الحقيقي، ولا كلمة من اللي اتقالت واتسمعت ليها اساس من الصحة،… أهل شيرين هم هم أهل شيرين من زمان قوي .. بالعقل".
