انتقد لاعب الإسكواش هشام عاشور، تداول رواد مواقع التواصل الاجتماعي لفيديوهات ذبح الأضاحي في عيد الأضحى المبارك.
حيث نشر هشام عاشور، مقطع فيديو عبر حسابه الرسمي على موقع تبادل الصور والفيديوهات إنستجرام، قال فيه: "هل ده شيء آدمي ربنا خلق الكائن ده بيحس هل صح أننا نعمل منه مسخة ونقعد نتريق ونضحك عليه، ولما ينزل الشارع ويهرب نقعد نخبطه على دماغه ليه العذاب ده".
وتابع عاشور: "هل ده صح تخيل أنت موجود في حته الناس كلها ضدك وبتتريق عليك، وبتضحك عليك، وأنت ما عملتش حاجة، وفي الآخر هياخدوك ياكلوك، ده إيه ده، فين الرحمة في كده، في حاجة غلط في الموضوع أنا مش عارف استوعبه".
وفي سياق آخر، تحدث هشام عاشور عن أسباب انفصاله عن نيللي كريم، خلال لقائه في إحدى البرامج التليفزيونية، مؤكدًا أنهما مازالا أصدقاء وتجمعهم علاقة طيبة.
وقال عاشور في لقائه: "أنا مبحبش كلمه طليقتي دي أنا ونيللي كريم كنا عارفين أن الحياة هتاخدنا لحتة الانفصال، وكل واحد فينا قرر أن يمشي في طريق مختلف عن التاني، ولكن الانفصال لم يحدث بسبب أولاد نيللي لأننا أصحاب حتى الآن، وبنسأل على بعض، ونيللي هتفضل حبيبتي لآخر العمر".
وأضاف: "أنا ظلمت فنيًا بسبب زواجي من نيللي كريم وهى كانت شيفاني ينفع أعمل أعمال في هوليوود، وفي الفترة الحالية بحضر لعمل فني جديد مع المنتج أحمد الدسوقي وهيكون مفاجأة للجمهور".
