كشفت الفنانة إيمي طلعت زكريا، عن قصتها مع الجن العاشق، وتفاصيل علاجها ورحلتها مع الشيوخ للتخلص منه.
كما روت إيمي طلعت زكريا خلال لقائها في برنامج "قعدة ستات" للإعلامية مروة صبري والذي يُعرض على قناة "ألفا اليوم"، خلال حديثها علاقتها بنجوم الوسط الفني، وذكرياتها مع والدها الراحل الفنان طلعت زكريا.
وتحدثت إيمي عن معاناتها مع الحسد والجن العاشق ووقف مشاريعها الفنية والزواج.
وقالت إيمي: "ابتديت أحلم بأحلام غريبة، في حاجات بحس بيها وأنا نايمة بتحصل معايا، في علاقة بتحصل بيبقى في حد معايا في الحلم كأني متجوزة وجوزي نايم جنبي".
واستعانت إيمي بالعديد من شيوخ الأزهر الشريف وصولاً إلى أمين الفتوى، للتخلص من الجن العاشق، وقالت: "لغاية ما كلمت الشيخ عويضة عثمان أمين الفتوى في الأزهر الشريف قالي متركزيش في أي حاجة، وكنت بروح لشيوخ كانوا بيخلوني أعمل حاجات غريبة اللي يقولي ألبسي أبيض في أبيض ونامي واللي يقولي ولعي شمعة جمبك ولو قومتي وما لقتيهاش، وكنت مولعة شمعة في مرة وصحيت مالقيتهاش فعلًا".
وفي سياق متصل، قالت إيمي طلعت زكريا، في تصريحات تليفزيونية سابقة: "أنا كنت فاكرة إن فيا حاجة وتعطيل في حاجات كتير، وأنا مؤمنة جدًا بإن العفاريت أحياء عايشين معانا، وأول لما بابا توفى كنت دايما أسمعه بينادي عليا، وفي ليلة كنت راجعة من المسرح الساعة 1 بالليل، وكنت ماشية على الدائري في منطقة مظلمة، لقيت واحدة منكوشة بتشاور وخفت وجريت، ولما بصيت ورايا ملقتش حد، وسألت شيوخ وبعضهم قال في مس أو سحر أو عمل بوقف الحال".