كشف مؤدي المهرجانات نور التوت عن تفاصيل أرباح قناة اليوتيوب الخاصة به برفقة مؤدي المهرجانات حمو بيكا وفرقتهما المشتركة، والتي تضم عمر كمال وحسن شاكوش.
أوضح نور التوت في تصريحات تليفزيونية أن حمو بيكا ليس له أي صفة قانونية أو توكيل كي يستولي على الأرباح.
وقال مؤدي المهرجانات نور التوت: "قناتنا مدخلة مليار و80 مليون جنيه وحمو بيكا سرق مني 9 مليون جنيه ونص، وهو وكيل الفرقة الموسيقية بتاعتنا أنا وحسن شاكوش وعمر كمال أمام الشركات بدون أي تفويض رسمي مني أو من أي أحد من أعضاء الفرقة، وكان بياخد إيرادات بالدولار ويقبضنا بالمصري وآخر حاجة كنت أتخيلها إن حمو بيكا يعملي محضر، وأنا هحاسبه بالقانون اللي كان زمان بيقول عليا ده ابني".
وتابع التوت: "كنا بنروح الحفلات ونلف بلاد الوطن العربي كله أنا وحمو بيكا من غير ما أبقى عارف إيراد الحفلة كام، وكان يتعاقد على الحفلة برة بالدولار وننزل مصر يدينا ملاليم، وأنا مش هسيب حقي مهما حصل عشان ربنا هيحاسبني عليه، وهيسألني عنه في الآخرة، وكنت مدي الأمان لحمو بيكا عشان هو اللي مربيني بعد أبويا واكتشفت موضوع الأرباح ده بالصدفة بعد ما غير اللي ماسكلي السوشيال ميديا بتاعتي ودخل على قناة اليوتيوب وقالي على كمية الأرباح".
وفي سياق متصل، أنه سبق وأن كشف محامي حمو بيكا تفاصيل أزمة موكله مع نور التوت، مؤكدًا أن بداية الأزمة عندما نشر نور التوت، مقطع فيديو عبر حسابه الرسمي على موقع التواصل الاجتماعي فيسبوك، والذي أكد خلاله استيلاء حمو بيكا على مبلغ 200 ألف دولار من قناة اليوتيوب قائلًا: "حمو بيكا فوجئ بـ نور التوت نزل فيديوهات على صفحته بفيسبوك، بيقول أن حمو بيكا سرقه في 200 ألف دولار، طبعًا سرقة هو بيقول إن حمو خدهم من قناة مزيكا بسبب الأغاني، والكلام ده طبعًا مالوش أي أساس من الصحة".
وتابع محامي بيكا: "وروحنا بالليل قسم العجوزة وعملنا محضر بالواقعة إنه سب وقذف وتشهير بغرض الابتزاز، نور حذف الفيديوهات ولكن تم إرفاقها في فلاشة مع البلاغ وجاري اتخاذ اللازم".
