علقت الفنانة فريدة سيف النصر على أزمة عمرو دياب بعد صفعه لشخص في حفل زفاف ابنة المنتج محمد السعدي عند طلبه التقاط صورة معه.
وكتبت فريدة سيف النصر عبر حسابها الرسمي على موقع التواصل الاجتماعي فيسبوك قائلة: "معلش حقك علينا.. أجدع ناس في الدنيا نهد إن شاء الله الهرم ومن أول طوبة تقع نقول وهو خوفو كان إيه يعني ده سقارة أجدع منه.. الناس الوحيدة اللي ما تصدق تضرب في حد ناجح ما هو لازم البلاد كلها تحافظ على كبارها، إنما إحنا عيييييييب يالا خلوا السواد يبان.. ما عيب بقى.. تعالوا نصلي على النبي ونعقلها...
وأنا لا بدافع عن عمرو ولا هعمل معاه فيديو كليب ولا قصة خالص.. أنا أخته الكبيرة ومن زمان".
وتابعت سيف النصر: "بالعقل إيه التصرف المفاجئ اللي الريأكشن بتاعه بدون تفكير قلم.. طبعاً مش حاجة سهلة وعمرو معروف بالهدوء والاحترام".
وأكدت فريدة سيف النصر أن الهجوم الذي يتعرض له عمرو دياب هو حملة ممنهجة قائلة: "أنا آسفة في اللي هاقولوا لكن حد كان موجود ريبورتر وأنا ماما ما بيتكذبش عليا.. حركة مش قادرة أقولها بس أنتم أذكى من اللي بيهاجموه وكأنه شيء ممنهج مقصود، الاستفزاز لعمرو والتصرف الطبيعي التلقائي طبعاً وبعدها هجوم حاد والشاب ضحية الخازوق اللي عمله.. ويبقى المطرب الأول في مصر أي بتاع مهرجانات مفيش قدوة.. ما كفاية بقى.. وعلى فكرة هو أكبر من أنه يقول حاجة تهز صورة أي راجل محترم يا عفن المواقع غير المعروفة.. وأنا وأي حد في مكانه من غير تفكير قلم رد فعل طبيعي من غير تفكير".
وأضافت: "ده مدفوع عليك حلو أوي يا عم عمرو.. أولا إزاي أي حد يقرب أوي للدرجة دي. وفين البادي جاردز أصلا. ربنا معاك ويكشفلك يا عمرو. المفروض محدش بيعرف يقربله.. إيه فجأة يتفتح مجال للشاب ويلزق فيه.. لحد ما يقدر يلمسه.. هقول تاني.. ربنا معاك والله.. طول عمره معملش تصرف هان حد فكروا متهدوش مع عدونا قمة مهذبة.. عيب إحنا قلوبنا أنظف من كده.. يا ساتر يا رب".