أعلن الفنان تامر عبد المنعم دعمه للفنان عمرو دياب، عقب صفع الأخير لشخص في حفل زفاف نجل المنتج محمد السعدي، مما أدى إلى تقديم بلاغ من ذلك الشخص ضد الهضبة.
وعلق تامر عبد المنعم عبر حسابه الرسمي على موقع التواصل الاجتماعي فيسبوك : "باختصار شديد كل واحد يلزم مكانه حتي لا يختلط الحابل بالنابل حضرتك سواق يبقي مكانك العربية بره مش جوه قاعة فرح وكمان علي مسرح العريس والعروسة والأهل والأصدقاء المقربين ونجوم الحفل عشان كده في الحفلات بيكون فيه تذكرة ب١٠٠ جنيه وتذكرة ب٣٠ الف".
وتابع عبد المنعم: "أنا مش بحتقر حد ولكن في مساحة لا يحب اختراقها إلا لمن له الحق في ذلك، تصرف غريب علي من يتواجد في هذا المكان أدي الي رد فعل غريب ايضا علي المكان، كل واحد لو لزم حدوده المسألة تتحل، وانا ضد فكرة ده غلبان ومسكين وفقير والسكة دي لانه ما قابلوش في جامع ده واحد جوه فرح AAA plus وحكاية المحاضر والأجواء دي تسخين سوشيال ميديا واعتقاد المحيطين بيه انها فرصة العمر للتعويض".
وأضاف تامر عبد المنعم: "اخيراً مليون دولار لن يكون كافيا لاستعادة الكرامة ولمن يريد ان يحافظ علي كرامته عليه ألا يتواجد بالاماكن الغير مسموح له بالتواجد بها.. شكرا".