أعرب الفنان عصام السقا عن حزنه الشديد بعد تلقيه خبر وفاة شاب عشريني من معجبيه اليوم وبشكل مفاجيء.
حيث نشر عصام السقا صورًا معه ورسائل بينهما معبرًا عن صدمته من الخبر الحزين الذي آلمه، ونشر رسالة سابقة بينهما كان يدعم فيها هذا الشاب.
وكتب السقا عبر صفحته الرسمية على موقع التواصل الاجتماعي فيسبوك: "ربنا يرحمك يا أحمد.. اتقابلت أنا وأحمد 3 مرات، شوفت فيه شاب مكافح مجتهد احترام وأخلاق، ومحدش بيختلف عليه في الجدعنة والذوق، وقلت له بإذن الله هتكون حاجة كبيرة ومشرفة".
وتابع السقا: "كان عنده طموح وثقة وإصرار إنه يكون كدا، وكان واخد خطوات حلوة في شغله وكان بيكبر، بس ماكنتش أعرف إنك هتمشي كدا وإن كل الأحلام والأمنيات هتنتهي.. وجعت قلبي عليك يا أحمد.. ربنا يرحمك ويغفر لك ويصبر أهلك وأصحابك، وأرجو من كل الناس تدعي له بالرحمة والمغفرة ويصبر قلوب أهله وحبايبه".
كما نشر عصام السقا الرسالة التي أرسلها المعجب له قبل وفاته وجاءت كالآتي: "أنا أحمد اللي كنا عند الفندق وبنتصور كلنا ملوي. واللي كنت بصوركم، وأنا بتصور مع حضرتك قلت لي بإذن الله هتبقى حاجة كبيرة وتشرف أي حد، وأنا واثق في كدا وخليك فاكر كلامي حقيقي فرحتني جدا جدا والله، وأنا من زمان وأنا بكلم حضرتك وحقيقي بحبك جدا والله".
ليرد عليه السقا قائلًا: "حبيبي يا أحمد ربنا يكرمك ويوفقك يارب".
